• មកយល់អោយច្បាស់ពីលក្ខណៈរបស់វីរុសកូរ៉ូណា និងការបង្ការការពារខ្លួនយើង

    នេះជាព័ត៌មានថ្មីដែលទើបទទួលបានពីអ្នកស្រាវជ្រាវនៅទីក្រុងស៊ិនជិន ផ្ញើទៅកាន់ទីក្រុងវ៉ូហាន សម្រាប់ការប្រយុទ្ធប្រឆាំងនឹងវីរុសកូរ៉ូណា(Coronavirus, COVID-19)។ ព័ត៌មានខាងក្រោមនេះ មានលក្ខណៈច្បាស់លាស់ ងាយស្រួលយល់ ដែលនឹងបញ្ជាក់យ៉ាងច្បាស់ពីលក្ខណៈរបស់វីរុសនេះ និងថាតើវីរុសនេះអាចឆ្លងពីមនុស្សម្នាក់ទៅមនុស្សម្នាក់ទៀតតាមវិធីណា ព្រមទាំងប្រាប់ពីការបង្ការការពារខ្លួន។

    វីរុសកូរ៉ូណានេះ មិនបង្ហាញរោគសញ្ញាដូចជំងឺគ្រុនផ្តាសាយធម្មតាដែលធ្វើឱ្យហ៊ាសំបោរ ឬក្អកស្លេសនោះទេ តែផ្ទុយមកវិញ អ្នកជំងឺមានអាការក្អកស្ងួត។ នេះគឺជារោគសញ្ញាដំបូងដែលយើងត្រូវកត់សម្គាល់។ ចំណុចសំខាន់ដែលគួរយល់ដឹងនោះគឺ វីរុសនេះមិនអាចរស់នៅក្រោមកំដៅថ្ងៃ ហើយវាអាចស្លាប់បាននៅសីតុណ្ហភាពចាប់ពី២៦ ឬ២៧អង្សារសេ។ ដូច្នេះហើយ វាពិតជាសំខាន់ខ្លាំងណាស់ ក្នុងការទទួលទានភេសជ្ជៈក្តៅ ឬម្ហូបក្តៅៗ រួមមាន៖ ទឹកក្តៅ តែក្តៅ ទឹកស៊ុបក្តៅ។ល។ សារធាតុក្តៅអាចរក្សាលំនឹងវីរុសមិនឱ្យរីករាលដាលបាន។

    ចំណុចសំខាន់៖ ជៀសវាងការទទួលទានភេសជ្ជៈត្រជាក់ ឬបរិភោគទឹកកក និងព្យាយាមឱ្យខ្លួនប្រាណទទួលបានកម្តៅថ្ងៃពីព្រះអាទិត្យ។

    ចំណុចទី១៖ វីរុសកូរ៉ូណាមានទំហំធំ ដែលមានអង្កត់ផ្ចិតពី៤០០ ទៅ៥០០ ណាណូម៉ែត្រ។ មានន័យថាម៉ាសការពារគ្រប់ប្រភេទអាចមានសមត្ថភាពទប់វីរុសនេះបាន។ ដូចនេះ យើងមិនចាំបាច់ពាក់ម៉ាសដែលមានលក្ខណៈពិសេសនោះទេ។
    ចំណុចទី២៖ នៅពេលវីរុសទំនៅលើផ្ទៃលោហៈធាតុ វីរុសនេះអាចមានជីវិតរហូតដល់១២ម៉ោង! ដូចនេះ បន្ទាប់ពីយើងប៉ះពាល់ផ្ទៃលោហៈធាតុនៅតាមទីសាធារណៈនានា ដូចជាដៃទ្វា ឧបករណ៍អេឡិចត្រូនិច បង្កាន់ដៃរថយន្តក្រុង យើងត្រូវលាងដៃជាមួយសាប៊ូឱ្យបានស្អាតល្អ។
    ចំណុចទី៣៖ វីរុសនេះ អាចសម្ងំលាក់ខ្លួននៅលើសម្លៀកបំពាក់ និងផ្ទៃក្រណាត់ពី៦ ទៅ១២ម៉ោង។ យើងអាចកំចាត់វីរុសនេះ ដោយប្រើប្រាស់ផលិតផលបោកគក់ធម្មតាបាន។ សម្រាប់សំលៀកបំពាក់ដែលមិនអាចបោកគក់ជាប្រចាំបាន អ្នកអាចដាក់សំដិលក្រោមពន្លឺព្រះអាទិត្យ។

    តើវីរុសនេះ វិវត្តខ្លួនយ៉ាងដូចម្តេច?

    ១. ជាដំបូងវីរុសនេះ ចូលទៅទំនៅបំពង់ក ដែលធ្វើឱ្យបំពង់កហើម និងមានលក្ខណៈស្ងួត។ អាការៈនេះ អាចមានរយៈពេលពី៣ ទៅ៤ថ្ងៃ។
    ២. បន្ទាប់មក វីរុសនេះនឹងធ្វើដំណើរតាមសំណើមនៃខ្យល់ដង្ហើម រួចឆ្ពោះទៅកាន់បំពង់ដង្ហើម ហើយសម្ងំលាក់ខ្លួននៅក្នុងសួត ដោយបណ្តាលជាជំងឺរលាកសួត។ ដំណាក់កាលនេះ ត្រូវការរយៈពេលពី៥ ទៅ៦ថ្ងៃ។
    ៣. ជំងឺរលាកសួតអាចបង្ហាញរោគសញ្ញាតាមរយៈការធ្វើឱ្យអ្នកជំងឺ ក្តៅខ្លួនខ្លាំង ពិបាកដកដង្ហើម ដែលមិនដូចនឹងជំងឺផ្តាសាយធម្មតានោះទេ។ អ្នកជំងឺអាចមានអារម្មណ៍ថប់ដង្ហើម។ ក្នុងករណីដូចនេះ អ្នកត្រូវទូរស័ព្ទភ្លាមទៅកាន់ភ្នាក់ងារសង្គ្រោះបន្ទាន់។
    តើត្រូវធ្វើយ៉ាងណា ដើម្បីចៀសវាងការឆ្លងវីរុសនេះ?
    ១. ភាគច្រើន ការចម្លងវីរុសធ្វើឡើងតាមរយៈការប៉ះពាល់ដោយផ្ទាល់ ជាមួយសម្ភារៈនានាដែលមានវត្តមាននៃវីរុស។
    ជាធម្មតា វីរុសអាចមានជីវិតនៅលើដៃរយៈពេលប្រមាណ១០នាទី។ ក៏ប៉ុន្តែក្នុងរយៈពេលនេះ អ្នកតែងប្រើប្រាស់ដៃរបស់អ្នក ដើម្បីជូតភ្នែក ជូតច្រមុះ ដែលអាចអនុញ្ញាតឱ្យវីរុសនេះអាចឆ្លងចូលទៅក្នុងបំពង់កបានដោយងាយ។
    ដូច្នេះ ការលាងដៃឱ្យបានស្អាតជាប្រចាំតាមដែលអាចធ្វើទៅបាន គឺជាការសំខាន់។
    ២. អ្នកអាចខ្ពល់មាត់ជាមួយទឹកថ្នាំខ្ពល់មាត់។ ការណ៍នេះអាចបន្ថយបរិមាណវីរុសដែលចូលទៅក្នុងបំពង់កបាន។ ការធ្វើបែបនេះ អ្នកអាចកំចាត់វីរុសមុនពេលដែលវាធ្វើដំណើរទៅបំពង់ដង្ហើម និងសួត។ 
    ៣. សម្អាតឧបករណ៍ដែលអ្នកប្រើប្រាស់ប្រចាំថ្ងៃ ដូចជាកំព្យូទ័រ ទូរស័ព្ទដៃ ទូរស័ព្ទលើតុ។ល។
    យើងទាំងអស់គ្នាត្រូវយកចិត្តទុកដាក់ ព្រមទាំងថែរក្សាសុខភាពខ្លួនផ្ទាល់ ដើម្បីសុខមាលភាពខ្លួនយើងផង និងអ្នកដទៃផង។

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ