• អ្នកជំងឺ COVID-19 នៅអ៊ីតាលី ដែលមានអាយុលើសពី ៨០ ឆ្នាំ អាចនឹងត្រូវទុកចោលទាល់តែស្លាប់ បើគ្មានគ្រែពេទ្យគ្រប់គ្រាន់

    ផ្នែក​គ្រប់​គ្រង​វិបត្តិ​ក្នុង​ប្រទេស​អ៊ីតាលីបាន​សម្រេច​ចិត្ត​ថា អ្នក​ជំងឺដែល​មាន​វ័យ​ចាប់​ពី ៨០ ឆ្នាំ​ឡើង​ទៅ ឬ​អ្នក​ដែល​មាន​សុខភាព​ទន់​ខ្សោយ​ខ្លាំង នឹង​ត្រូវ​បដិសេធមិន​ឲ្យ​យក​មក​កន្លែង​សម្រាក​ព្យាបាល​ឡើយ ប្រសិន​បើ​នៅ​ថ្ងៃ​ណា​មួយ មន្ទីរពេទ្យ​មិន​មាន​គ្រែ​សម្រាក​គ្រប់គ្រាន់​នោះ ។ បែប​នេះ​មាន​ន័យ​ថា អ្នក​ជំងឺ​ខ្លះនឹង​អាច​ត្រូវ​ទុក​ចោល​រហូត​ដល់​ស្លាប់។ ខណៈពេលនេះប្រទេស​អ៊ីតាលី បាន​ក្លាយ​ជា​ប្រទេស​បន្ទាប់​ពី​ចិន ដែល​មាន​ចំនួន​អ្នក​ស្លាប់ និង ​ឆ្លង​វីរុស COVID-19 ច្រើន​លើសលុប​ជាង​គេ ។

    «អ្នកណាត្រូវស្លាប់ អ្នកណាត្រូវរស់ គឺសម្រេចទៅតាមអាយុ និង ស្ថានភាពសុខភាពរបស់អ្នកជំងឺទាំងនោះ ។ ក្នុងពេលមានសង្គ្រាម គឺគេតែងធ្វើបែបនេះ» ។ នេះបើតាមសម្ដីវេជ្ជបណ្ឌិតម្នាក់បានបញ្ជាក់ ។

    បើ​តាម​វិបសាយ The Telegraph បាន​បញ្ជាក់​ថា ក្រុម​ផ្នែក​គ្រប់គ្រង​វិបត្តិ​បាន​បង្កើត​ចំណាត់ការ​ថ្មី ដែល​នឹង​កំណត់​ថា អ្នក​ជំងឺ​ណាគួរ​តែ​ទទួល​បាន​ការ​ព្យាបាល ក្នុង​មណ្ឌល និង​ នរណា​មិន​គួរ​ព្យាបាល ប្រសិន​បើ​មិន​មាន​កន្លែង​គ្រប់គ្រាន់ ។

    បច្ចុប្បន្នឯកសារ​នៃ​ចំណាត់​ការ​ថ្មី​នេះ បាន​សម្រេច​រួចរាល់ និង ​នៅ​តែ​ត្រូវ​ការ​ការ​អនុម័ត​ចុងក្រោយ​ពី​គណៈកម្មាធិការ​បច្ចេកទេស​វិទ្យាសាស្ត្រ មុន​ពេល​បញ្ជូន​ទៅ​កាន់​មន្ទីរពេទ្យ​ប៉ុណ្ណោះ ។ ចំណាត់​ការ​ថ្មី​នេះនឹង​រំពឹង​ថា នឹង​អនុវត្ត​ពាសពេញ​ប្រទេស​អ៊ីតាលី​ទាំង​មូល នេះ​បើ​តាម​ប្រភព​ពី​រាជរដ្ឋាភិបាល​បញ្ជាក់ ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ