• អ្នកនាំពាក្យសាលារាជធានីភ្នំពេញ ថ្លែងជូនជាដំណឹងដល់សាធារណជនថា៖ ករណីស្រ្តីម្នាក់ដួលសន្លប់នៅអគារកាណាឌីយ៉ា មិនមែនដោយសារជំងឺ Covid-19 ទេ ជាករណីខ្យល់គរធម្មតា

    លោក ម៉េត មាសភក្តី អ្នកនាំពាក្យសាលារាជធានីភ្នំពេញ បានថ្លែងជូនដំណឹងដល់សាធារណជនតាមរយៈបណ្តាញព័ត៌មាន Fresh News ឲ្យដឹងថា មានករណីស្រ្តីម្នាក់វិលមុខដួលសន្លប់នៅអគារកាណាឌីយ៉ាកាលពីម្សិលមិញ មិនមែនដោយសារជំងឺ Covid-19 ទេ ជាករណីខ្យល់គរធម្មតា ហើយបច្ចុប្បន្នកំពុងសម្រាកព្យាបាលនៅមន្ទីរពេទ្យកាល់ម៉ែត។

    លោក ម៉េត មាសភក្តី បានបញ្ជាក់ថា ស្រ្តីវិលមុខខ្យល់គរនោះមានឈ្មោះ​ សំ សុវណ្ណចរិយា ជាបុគ្គលិកបម្រើការងារនៅធនាគារកាណាឌីយ៉ា បានដួលសន្លប់នៅក្នុងបន្ទប់ទឹកនៃអគារកាណាឌីយ៉ា។

    សូមបញ្ជាក់ថា នៅវេលាម៉ោង៣រសៀលថ្ងៃទី០៥ ខែមីនា ឆ្នាំ២០២០នេះ ក្រសួងសុខាភិបាល នឹងរៀបចំសន្និសីទសារព័ត៌មានមួយ ដើម្បីបំភ្លឺសំណួរពាក់ព័ន្ធនឹងជំងឺ និងការធ្វើតេស្តកូវីដ១៩ (Covid-19) និងការដួលសន្លប់ ឬដួលស្លាប់ ដែលមហាជននាំគ្នាសង្ស័យថា ករណីដួលសន្លប់ ឬដួលស្លាប់នោះដោយសារជំងឺ Covid-19៕

    ប្រភព៖ Fresh News

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ