• ម្យ៉ាងដែរ! អត់លុយ អត់​ការ​ងារធ្វើ ជនជាតិ​កូរ៉េ​ម្នាក់​ មក​សុំ​ឲ្យ​សមត្ថកិច្ច​ ជួយ​បញ្ជូន​ខ្លួន ត្រឡប់ទៅ​ប្រទេសវិញ​

    រាជធានីភ្នំ​ពេញ៖ នៅ​ថ្ងៃ​ទី​០៤ ខែមីនា ឆ្នាំ​២០២០ម្សិលមិញ មាន​ករណី​ជនបរទេស​ម្នាក់ បាន​មកកាន់​ការិយាល័យ​ស៊ើបអង្កេត និង​អនុវត្ត​នីតិវិធី ផែន​ការងារ​អន្តោប្រវេសន៍ នៃ​ស្នងការដ្ឋាន​នគរបាល​រាជធានីភ្នំ​ពេញ ដោយ​សុំ​ឲ្យ​សមត្ថកិច្ច​ជួយ​បញ្ជូន​រូបគេ​ត្រឡប់ទៅ​ប្រទេស​កំណើត​វិញ ព្រោះតែ​រូប​គេស្នាក់នៅ​លើស​ទិដ្ឋាការ ដោយ​ផុតកំណត់​តាំង​ពី​ថ្ងៃ​ទី​២២ ខែ​មករា ឆ្នាំ​២០១៧។

    លោក​វរសេនីយ៍ឯក ជា ចិត្រា នាយ​ការិយាល័យ​ស៊ើបអង្កេត និង​អនុវត្ត​នីតិវិធី បានឲ្យដឹង​ថា ជនបរទេស​នោះ​ឈ្មោះ YOO HONG YUL ភេទប្រុស អាយុ​៦២ឆ្នាំ ជនជាតិ​កូរ៉េ។

    លោក​នាយ​ការិយាល័យ​បន្តថា ក្រោយ​ពី​សាកសួរ​ដឹងថា ជនបរទេស​រូបនេះ​បានចូល​មក​ព្រះ​រាជាណាចក្រ​កម្ពុជា នៅ​ថ្ងៃ​ទី​២២ ខែធ្នូ ឆ្នាំ​២០១៦ តាម​ច្រក​អន្តរជាតិ​ប៉ោយប៉ែត ក្នុង​គោលបំណង​ធ្វើ​ការ។ តែបច្ចុប្បន្ន​ជនបរទេស​រូបនេះ​គ្មាន​កន្លែង​ស្នាក់នៅ​មិន​ពិតប្រាកដ និង​គ្មាន​ការ​ងារធ្វើ។

    យ៉ាងណា​ក៏​ដោយ បច្ចុប្បន្ន​ជនជាតិ​កូរ៉េ​រូបនេះ​ត្រូវ​បានបញ្ជូន​ទៅ​នាយកដ្ឋាន​ស៊ើបអង្កេត​និង​អនុវត្ត​នីតិវិធី នៃអគ្គ​នាយកដ្ឋាន​អន្តោប្រវេសន៍ ដើម្បី​អនុវត្ត​នីតិវិធី​បន្តនៃ​ច្បាប់​៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ