• Aston ឡើងវគ្គ​​ផ្តាច់ព្រ័ត្រ League Cup មុនគេ ក្រោយទម្លាក់ Leicester ចុងម៉ោង

    (ក្រុងឡុងដ៍)៖ Aston Villa បានឡើងទៅឈរចាំមុននៃវគ្គផ្តាច់ព្រ័ត្រ League Cup (Carabao Cup) បន្ទាប់ពីទម្លាក់គូប្រជែង Leicester City ក្នុងលទ្ធផល ២-១ នៅនាទីចុងម៉ោងនាយប់មិញនេះ ប្រកួតកាត់សេចក្តីជើងទី២ ក្នុងវគ្គ ៤ក្រុមចុងក្រោយ។

    Trezeguet ជាកីឡាករនាំមុខសំណាង តាមរយៈស៊ុតចូលចុងម៉ោង ពោលគឺនាទី ៩០+៣ ទៅហើយ បន្ទាប់ពីលេងស្មើគ្នា ១-១ ចាប់ពីនាទីទី៧២ មកនៅកីឡដ្ឋាន Villa Park ដូចទៅនឹងលទ្ធផល ១-១ នៅកីឡដ្ឋាន King Power កាលពីជើងទី១ នៅទឹកដីរបស់ក្រុមកញ្ជ្រោងខៀវ Leicester City។

    Targett ជាអ្នករកបានគ្រាប់នាមុខឲ្យក្រុមម្ចាស់ផ្ទះ Aston នៅនាទី១២ មុនពេលខ្សែបម្រើមកពីអាហ្វ្រិក Iheanacho រកបានគ្រាប់តាមស្មើ ១-១ វិញនៅនាទី៧២។

    នេះក៏ជាលើកទី១ ផងដែរសម្រាប់ក្រុមរបស់លោក Dean Smith ដែលបានឡើងវគ្គផ្តាច់ព្រ័ត្រនៃពាន League Cup លើកដំបូង គិតចាប់តាំងពីឆ្នាំ២០១០ មក ដែលពួកគេបានចាញ់គូប្រជែងសមាជិកនៅ Premier League ដូចគ្នា Manchester United កាលពី១០ឆ្នាំមុន ដែលអាចជួបគ្នាម្តងទៀត ក្រោយបញ្ចប់ជើងទី២ កាត់សេចក្តីនៅកីឡដ្ឋាន Etihad រវាង Manchester City ទល់នឹង Manchester United នាយប់នេះ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ