• Henderson និង Bronze ជាប់​ឈ្មោះ​ជា​កីឡាករ​ឆ្នើម​ប្រចាំឆ្នាំ​របស់​អង់គ្លេស

    (ក្រុងឡុងដ៍)៖ កីឡាករខ្សែបម្រើប្រយុទ្ធ Jordan Hederson និងកីឡាការិនីខ្សែការពារ Lucy Bronze ត្រូវបានបោះឆ្នោតជាអត្តពលិកឆ្នើមប្រចាំឆ្នាំ២០១៩ ប្រចាំប្រទេសអង់គ្លេស បន្ទាប់ពីពួកគេបានបំពេញតួនាទីយ៉ាងល្អក្នុងជម្រើសជាតិនាពេលកន្លងមក។

    កីឡាករវ័យ ២៩ឆ្នាំដែលជាប្រធានក្រុមមកពីក្លឹបហង្សក្រហម Liverpool មានសំឡេងបោះឆ្នោតគាំទ្រឈ្នះគូប្រជែង Raheem Sterling របស់ក្លឹប Manchester City និងកីឡាករខ្សែប្រយុទ្ធមកពីក្លឹប Tottenham Hotspur, Harry Kane សម្រាប់ផ្នែកបុរស។

    Henderson បានចូលលេងលើកទី៥០ ក្នុងក្រុមជម្រើសជាតិតោកំណាចអង់គ្លេសកាលពីខែមីនា ឆ្នាំ២០១៩ ក្នុងជំនួបដែលអង់គ្លេសបំបាក់ម៉ុងតេនីក្រូ ៥-១ ក្នុងវគ្គជម្រុះ UEFA Euro 2020 និងជួយក្រុមតោកំណាចទទួលបានចំណាត់ថ្នាក់លេខ៣ នៅព្រឹត្តិការណ៍ UEFA Nations League។

    ចំណែកឯក Lucy Bronze ជាកីឡាការិនីសំខាន់របស់ក្លឹបបារាំង Lyon ឈ្នះពានកីឡាការិនីឆ្នើមប្រចាំឆ្នាំ២០១៩ វ៉ាគូប្រជែង Ellen White និង Beth Mead ដែលសុទ្ធសឹងតែជួយក្លឹបឈ្នះពានរង្វាន់ជើងឯកប្រចាំទ្វីបអឹរ៉ុប Champions League រដូវកាលមុនដូចគ្នា៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ