• Mercedes បញ្ចេញម៉ូតឡានអនាគត ឌីហ្សាញតាមរឿង Avatar

    ក្រុមហ៊ុន Daimler ទើបតែប្រកាសចេញនូវរថយន្តអនាគតថ្មីរបស់ខ្លួន ហៅថា Mercedes-Benz Vision AVTR នៅក្នុងព្រឹត្តិការណ៍ Consumer Electronics Show (CES) ដោយទទួលបានការឌីហ្សាញតាមរឿងដ៏ល្បី Avatar ដែលចេញកាលពីឆ្នាំ២០០៩។

    រថយន្ត Mercedes-Benz Vision AVTR ត្រូវបានឌីហ្សាញឡើងតាមការស្រមើលស្រមៃទៅថ្ងៃអនាគត គួបផ្សំជាមួយនឹងសាច់រឿង Avatar និងទំនាក់ទំនងរវាងមនុស្ស ម៉ាស៊ីន និង ធម្មជាតិ។

    Vision AVTR មិនមានមុខងារបញ្ជាដូចរថយន្តធម្មតាឡើយ ដោយមានតែកន្លែងបញ្ជាមួយនៅចំតាប្លូកណ្តាលប៉ុណ្ណោះ។ អ្វីដែលគួរឲ្យភ្ញាក់ផ្អើលនោះ កង់របស់វាមានបំពាក់ភ្លើងបំភ្លឺ និងភ្លើងស៊ីញ៉ូទៀតផង។

    លើសពីនេះ នៅលើដំបូលរបស់វាមានបន្ទះបិទ-បើកចំនួន ៣៣ ដែលដើរតួធ្វើឲ្យ Aerodynamics កាន់តែប្រសើរ និងជួយទប់ពេលចាប់ហ្វ្រាំង។

    ដោយសារតែវាជារថយន្តអនាគត Vision AVTR បានបំពាក់កញ្ចប់អាគុយកម្លាំង ១១០គីឡូវ៉ាត់ម៉ោង អាចបើកបរបានចម្ងាយសរុប ៧០០គីឡូម៉ែត្រ នៅពេលសាកភ្លើងពេញម្តង ដែលចំណាយពេលត្រឹម ១៥នាទីប៉ុណ្ណោះ។ រថយន្តនេះប្រើម៉ូទ័រអគ្គិសនីចំនួន៤ មានកម្លាំងសរុប ៤៧០សេះ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ