កូដកម្មទូទាំងប្រទេសបារាំង ផ្ទុះឡើងវិញជាថ្មីម្តងទៀត ដើម្បីប្រឆាំងការកែទម្រង់ថ្មីរបស់លោក Emmanuel Macron

ប្រទេសបារាំងកំពុងទទួលរងកូដកម្មទូទាំងប្រទេសដ៏ធំបំផុតមួយ ដែលវាបានធ្វើឱ្យរំខានដល់សាលារៀន និងការដឹកជញ្ជូនជាច្រើន។ មូលហេតុគឺដោយសារ កម្មករមានការខឹងសម្បារចំពោះកំណែទម្រង់ប្រាក់សោធន ដែលវានឹងធ្វើឱ្យពួកគេត្រូវចូលនិវត្តន៍ ឬប្រឈមនឹងការកាត់បន្ថយប្រាក់ឈ្នួល។ កម្មករជាង ៨០០,០០០នាក់ បានមកបង្ហាញខ្លួនក្នុងការតវ៉ានេះ ខណៈទីក្រុងមួយចំនួនក៏កំពុងមានការប៉ះទង្គិចរវាងប៉ូលីស និងអ្នកតវ៉ាផងដែរ។ នេះក៏ព្រោះតែលោកប្រធានាធិបតី Emmanuel Macron ចង់ណែនាំប្រព័ន្ធប្រាក់សោធននិវត្តន៍ផ្អែកលើចំណុចជាសកល។

ប្រព័ន្ធថ្មីនេះនឹងជំនួសប្រព័ន្ធបច្ចុប្បន្ន ដែលមានគម្រោងប្រាក់សោធននិវត្តន៍ខុសៗគ្នាចំនួន ៤២ នៅទូទាំងវិស័យឯកជន និងសាធារណៈ ដោយមានការប្រែប្រួលនៃអាយុចូលនិវត្តន៍ និងអត្ថប្រយោជន៍ផ្សេងៗ។ ក្រសួងមហាផ្ទៃបាននិយាយថា មនុស្សជាង ៨០០,០០០នាក់ បានចូលរួមបាតុកម្មនៅតាមទីក្រុងជាង ១០០ នៅទូទាំងប្រទេសបារាំង។ នៅទីក្រុងប៉ារីសតំបន់ទេសចរណ៍ដែលមានប្រជាប្រិយរួមមាន Tower Eiffel, The Musée d’Orsay និងវិមាន Versailles សុទ្ធតែត្រូវបានបិទទ្វារពេញមួយថ្ងៃ។ ហើយគិតមកទល់ពេលនេះក្រុមមន្រ្តីបាននិយាយថា ប៉ូលីសនៅទីក្រុងប៉ារីសបានចាប់ខ្លួនមនុស្ស ៧១នាក់ ខណៈចំនួនរបួស និងខូចខាតនៅមិនទាន់ច្បាស់លាស់នៅឡើយ៕

ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

ព័ត៌មានទាក់ទង៖

  • ព័ត៌មានថ្មីៗ