សមាជិកក្រុម 2NE1 តារាចម្រៀង Park Bom និង Sandara នឹងចាប់ដៃចេញបទចម្រៀងថ្មីរួមគ្នា ។
បទចម្រៀងថ្មីរបស់សមាជិកក្រុម 2NE1 ទាំង ២ រូបនេះ មានចំណងជើងថា “First Snow” ដែលត្រៀមបញ្ចេញលើវិបសាយបទចម្រៀងមួយចំនួននៅថ្ងៃទី ១០ ខែ ធ្នូ ម៉ោង ៦ ល្ងាច (ម៉ោងក្នុងតំបន់) ។ បទចម្រៀងនេះដែរ នឹងចាត់ជាបទដំបូងរបស់ Park Bom ក្នុងរយៈពេលប្រមាណ ៧ ខែ បន្ទាប់ពីអាល់ប៊ុមសើរើឡើងវិញ “re:Blue Rose” របស់នាង ។
ជាមួយគ្នានេះដែរ Park Bom ក៏នឹងបញ្ចេញ version ផ្លូវការរបស់បទ “Wanna Go Back” នៅសប្ដាហ៍ក្រោយនេះផងដែរ ៕
