ភ្នំពេញ៖ ប៉ុស្តិ៍នគរបាលរដ្ឋបាលទឹកថ្លា ឃាត់ខ្លួនជនសង្ស័យ ១នាក់ក្នុងចំណោមបក្ខពួក ២នាក់ (គេចខ្លួន១នាក់ ឈ្មោះ វ័ន ឈានវិន ជនជាតិចិន ម្ចាស់ទីតាំង) ករណីបើកទីតាំងលេងល្បែងស៊ីសងខុសច្បាប់ (ហ្គេមបាញ់ត្រី និងបៀរចិន) កាលពីវេលាម៉ោង១៥ និង៥នាទី ថ្ងៃទី ៤ ខែវិច្ឆិកា ២០១៩ ស្ថិតនៅចំណុចក្នុងបន្ទប់ជួលជាន់ផ្ទាល់ដី សណ្ឋាគារវិនសិននេស ផ្លូវណតប្រ៊ីត ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
មន្ត្រីនគរបាលខណ្ឌសែនសុខ បានឲ្យដឹងថា៖ ជនសង្ស័យឈ្មោះ លី យ៉ាំង ភេទប្រុស អាយុ ៣៩ឆ្នាំ មុខរបរចុងភៅ ជនជាតិចិន ស្នាក់នៅបន្ទប់លេខ១០១៦ សណ្ឋាគារវិនសិននេស ផ្លូវណតប្រ៊ីត ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ រាជធានីភ្នំពេញ អ្នកឈរមើល (គ្មានសារធាតុញៀន) ។ វត្ថុតាងរួមមាន៖ ទូហ្គេមបាញ់ត្រី ៣គ្រឿង , បៀរចិន ៤ឈុត , តុ០៣ ។
បច្ចុប្បន្នជនសង្ស័យ និងវត្ថុតាង ត្រូវបានសមត្ថកិច្ចបញ្ជូនខ្លួន មកកាន់អធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕
