នៅថ្ងៃទី២៨ ខែវិច្ឆិកា ឆ្នាំ២០១៩ស្អែកនេះនឹងមានព្រឹត្តិការណ៍ដ៏មហស្ចារ្យ សម្តែងល្ខោនខោលឈុតធំ ពីសំណាក់សិល្បករចំនួន២៨០នាក់ ព្រឹត្តិការណ៍នេះនឹងធ្វើឡើងនៅល្ងាចវេលាម៉ោង ៦និង៣០នាទី នៅព្រះលានជល់ដំរី ទឹកដីអង្គរ ខេត្តសៀមរាប។ នេះបើយោងតាមការបង្ហោះរបស់ យុវជនល្ខោនខោលកម្ពុជា បានឲ្យដឹងថា ៖ “សូមចូលរួមទស្សនាអោយបានច្រើនកុះករ រាត្រីថ្ងៃទី២៨ ខែវិច្ឆិកា ឆ្នាំ២០១៨ នៅព្រះលានជល់ដំរី ទឹកដីអង្គរ ខេត្តសៀមរាប ។ សូមអរគុណ ក្រសួងវប្បធម៌ និងវិចិត្រសិល្ប: ដែលបានរៀបចំព្រឹត្តិការណ៍នេះអោយកើតឡើងបានជាប្រវត្តិសាស្ត្រ! រាត្រី នៃការចងចាំ ល្ខោនខោល ឈុតធំ ២៨០នាក់ តោះដល់ពេលដែលពួកយើងចូលរួម Share ព័ត៌មានបន្តដើម្បីអោយមិត្តភក្តិ បងប្អូនបានដឹងផងដែររួមគ្នាជ្រោមជ្រែងភាពថ្កុំថ្កដីងនៃវប្បធម៌យេីង”។
សូមរំលឹកថាព្រឹត្តិការណ៍ដ៏មហស្ចារ្យ ការសម្តែងល្ខោនខោលឈុតធំ ២៨០នាក់ នេះធ្វើឡើងដើម្បីអបអរគម្រប់ខួប១ឆ្នាំនៃការដាក់បញ្ចូលល្ខោនខោល ក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ កាលពីថ្ងៃទី២៨ ខែវិច្ឆិកាឆ្នាំ២០១៨ នៅក្នុងកិច្ចប្រជុំលើកទី១៣នៃគណៈកម្មការអន្តររដ្ឋាភិបាលសម្រាប់ការការពារបេតិកភណ្ឌវប្បធម៌អរូបីរបស់អង្គការយូណេស្កូនៅទីក្រុងព័រល្វី សាធារណរដ្ឋម៉ូរីស៕
