ឡានអគ្គិសនី Tesla Model 3 បង្ហាញខ្លួនលើកដំបូង នៅវៀតណាម ក្នុងតម្លៃ ១៣០ ០០០ ដុល្លារ

កាលពីពេលកន្លងទៅនេះ រថយន្តដំណើរការដោយថាមពលអគ្គិសនីសុទ្ធ Tesla Model 3 ប្រភេទ Long Range បានបង្ហាញខ្លួននៅក្នុងប្រទេសវៀតណាម ជាលើកដំបូងបង្អស់ ។

Tesla Model 3 Long-Range អាច​ជិះ​បាន​រហូត​ដល់​ទៅ​ចម្ងាយ ៣១០ ម៉ាយ៍ (ប្រហែល ៥០០ គីឡូម៉ែត្រ) រាល់​ពេល​សាក​ថ្ម​ពេញ​ម្តង ហើយ​មាន​ល្បឿន​អតិបរមា ២៣០ គីឡូម៉ែត្រ​ក្នុង​មួយ​ម៉ោង និង អាច​ជាន់​ស្ទុះ​ពី​កុងទ័រ ០ ដល់ ១០០ គីឡូម៉ែត្រ​ក្នុង​មួយ​ម៉ោង ប្រើ​ពេល​ត្រឹម ៤,៥ វិនាទី​ប៉ុណ្ណោះ ។ វាត្រូវបានដាក់លក់នៅលើទីផ្សារសហរដ្ឋអាមេរិកក្នុងតម្លៃខ្ទង់ ៤ ម៉ឺនដុល្លារ ។

ផ្ទុកទៅវិញ បើយោងតាមគេហទំព័រវៀតណាមមួយ បានបង្ហើបឱ្យដឹងថា រថយន្ត Tesla Model 3 Long-Range ខាងលើ មានតម្លៃជាង ៣ ពាន់លានដុង ឬ ប្រហែលខ្ទង់ ១៣០ ០០០ ដុល្លារឯណោះ ។

សូមបញ្ជាក់ថា បច្ចុប្បន្ននេះ វៀតណាម មានរថយន្ត Tesla ចំនួន ៣ ម៉ូដែលហើយ គឺ Model X, Model S និង Model 3 Long Range នេះតែម្តង ៕

ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

ព័ត៌មានទាក់ទង៖

  • ព័ត៌មានថ្មីៗ