ថ្មីៗនេះមានការចែករំលែកពេញបណ្តាញសង្គមនូវរឿងរ៉ាវមួយដោយមានលោកតាវ័យ៩០ឆ្នាំ រស់នៅភូមិត្រាច់ ឃុំស្នួល ស្រុកក្រឡាញ់ ខេត្តសៀមរាប ដោយសារតែចង់ធ្វើបុណ្យជាមួយនឹងព្រះពុទ្ធសាសនា ទោះគ្មានបច្ច័យជាថវិកាចូលរួមកសាងសាលាវិហារនៅក្នុងវត្តអារាមក្តី ក៏លោកតាបានធ្វើបុណ្យប្រកបដោយទឹកចិត្តជ្រះថ្លាដោយបានយកអំបោសមកប្រគេនជូនលោកសង្ឈ។ នេះបើយោងតាមការបង្ហោះរបស់គណនីហ្វេសប៊ុកឈ្មោះ ឯជាតិអ្នកមានស្អប់អ្នកក្រ អ្នកខ្លាចស្អប់អ្នកហាន បានសរសេររៀបរាប់ថា៖
“អាណិតលើសពីអាណិតទៅទៀត អាត្មាបានចុះពីលើកុដិក៏បានឃើញលោកតាចាស់ម្នាក់។ អាត្មាសួរគាត់ថា តាមកវត្តធ្វើអី្វគាត់ឆ្លើយថា ខ្ញុំយកអំបោសមកប្រគេនលោក។ គាត់ថា ខ្ញុំអត់មានប្រាក់ចូលរួមធ្វើសាលាវិហារនឹងគេទេ មានតែអំបោសហ្នឹងឯង។បញ្ជាក់លោកតាគាត់មានអាយុ៩០សិបឆ្នាំហើយ”។ ក្រោយពីបានបង្ហោះនូវរឿងរ៉ាវនេះរួចមកមានមហាជនជាច្រើនបានសម្តែងក្តីអាណិតអាសូរ ចំពោះលោកតាជាខ្លាំងទោះបីជាមិនមានថវិកាចូលបុណ្យកសាងដូចគេក្តី ក៏លោកតាឆ្លៀតនាំយកនូវអំបោសជូនដល់វត្តអារាម ដែលនេះជាការធ្វើបុណ្យដោយសទ្ធាជ្រះថ្លា៕
