(សិង្ហបុរី ថ្ងៃទី១៤ ខែវិច្ឆិកា ឆ្នាំ២០១៩)៖ ក្រុមហ៊ុនអាកាសចរណ៍ជំនាន់ថ្មី Vietjet ត្រូវបានផ្តល់ពានរង្វាន់ក្នុងនាម «ជាក្រុមហ៊ុនអាកាសចរណ៍គិតថ្លៃសេវាទាបក្នុងតំបន់អាស៊ី-ប៉ាស៊ីហ្វិក ប្រចាំឆ្នាំ» ដោយ មជ្ឈមណ្ឌលសម្រាប់អាកាសចរណ៍អាស៊ី-ប៉ាស៊ីហ្វិកហៅកាត់ថា CAPA។ កម្មវិធីប្រគល់ពានរង្វាន់នេះ បានប្រព្រឹត្តទៅ អំឡុងកិច្ចប្រជុំវិស័យអាកាសចរណ៍អាស៊ី CAPA ដែលត្រូវបានរៀបចំឡើងចាប់ពីថ្ងៃទី១៤ ដល់ទី១៥ ខែវិច្ឆិកា ឆ្នាំ២០១៩ ក្នុងប្រទេសសិង្ហបុរី។
លោកស្រី Nguyen Thi Phuong Thao (ឆ្វេង) ប្រធាន និងជានាយកប្រតិបត្តិរបស់ Vietjet ទទួលពានរង្វាន់ “ក្រុមហ៊ុនអាកាសចរណ៍គិតថ្លៃសេវាទាក្នុងតំបន់អាស៊ីប៉ាស៊ីហ្វិក ប្រចាំឆ្នាំ២០១៩” ដែលត្រូវបានផ្តល់ដោយលោក Peter Harbison ប្រធាន CAPA។
ពានរង្វាន់ប្រចាំឆ្នាំរបស់ CAPA មួយនេះ គឺជាការទទួលស្គាល់លើក្រុមហ៊ុនអាកាសចរណ៍នានា ដែលបានប្រតិបត្តិយុទ្ធសាស្ត្រលេចធ្លោជាងគេបំផុតប្រចាំតំបន់ បានប្រែក្លាយខ្លួនឯងជាក្រុមហ៊ុនឈានមុខគេ និងបានក្លាយជាក្រុមហ៊ុនបែបច្នៃប្រឌិតដ៏អស្ចារ្យបំផុត ដើម្បីធ្វើជាគំរូសម្រាប់ក្រុមហ៊ុនផ្សេងទៀត ក្នុងការយកតម្រាប់តាម អំឡុងពេលនៃឆ្នាំនេះ នៅក្នុងឧស្សាហកម្មអាកាសចរណ៍ក្នុងតំបន់។
ប្រធាន និងជានាយកប្រតិបត្តិក្រុមហ៊ុន Vietjet ក្នុងពេលចូលរួមក្នុងកិច្ចប្រជុំអាកាសចរណ៍អាស៊ី CAPA នៅសិង្ហបុរី។
ក្រៅពីបានឆ្លើយតបយ៉ាងល្អប្រសើរលើគ្រប់លក្ខខណ្ឌទាំងអស់ ក្រុមហ៊ុនអាកាសចរណ៍ Vietjet ក៏មានភាពលេចធ្លោទៅលើការបន្តការពង្រីកបណ្តាញរបស់ខ្លួនឥតឈប់ឈរ ផងដែរ។ បច្ចុប្បន្ន Vietjet គឺជាក្រុមហ៊ុនអាកាសចរណ៍ក្នុងស្រុកឈានមុខគេរបស់វៀតណាម និងបានពង្រីកបណ្តាញអន្តរជាតិរបស់ខ្លួនជាបន្តបន្ទាប់។ នេះគឺជាការបង្ហាញពីជំហដ៏គួរឲ្យទាក់ទាញ ដើម្បីស្របទៅតាមទស្សនវិស័យសេដ្ឋកិច្ច និងទីផ្សារដែលមានការរីកចម្រើនយ៉ាងឆាប់រហ័សរបស់វៀតណាម។
ប្រធាន និងជានាយកប្រតិបត្តិក្រុមហ៊ុន Vietjet ក្នុងពេលចូលរួមក្នុងកិច្ចប្រជុំអាកាសចរណ៍អាស៊ី CAPA នៅសិង្ហបុរី។
លោក Peter Harbison ប្រធានអង្គភាព CAPA បានឲ្យដឹងថា៖ «Vietjet បន្តបង្កើតឲ្យមានការចាប់អារម្មណ៍ក្នុងនាមជាក្រុមហ៊ុនអាកាសចរណ៍គិតថ្លៃសេវាទាបបែបប្រពៃណីមួយ។ ក្រុមហ៊ុននេះ មានមូលដ្ឋានគ្រឹះហិរញ្ញវត្ថុដ៏រឹងមាំ និងមានផែនការច្បាស់លាស់ក្នុងការប្រជែងជាមួយនឹងក្រុមហ៊ុនប្រតិបត្តិករធំៗបំផុតជាច្រើន ក្នុងអាស៊ី-ប៉ាស៊ីហ្វិក ក្នុងរយៈពេលជាច្រើនទសវត្សរ៍ ខាងមុខនេះ»។
ប្រធាន និងជានាយកប្រតិបត្តិក្រុមហ៊ុន Vietjet ក្នុងពេលចូលរួមក្នុងកិច្ចប្រជុំអាកាសចរណ៍អាស៊ី CAPA នៅសិង្ហបុរី។
លោកស្រី Nguyen Thi Phuong Thao ប្រធាន និងជានាយកប្រតិបត្តិរបស់ក្រុមហ៊ុន Vietjet មានប្រសាសន៍ថា៖ «បេសកកម្មរបស់ Vietjet គឺការបង្កើតឲ្យមានការផ្លាស់ប្តូរប្រកបដោយភាពជោគជ័យក្នុងសេវាឧស្សាហកម្មអាកាសចរណ៍។ យើងសូមថ្លែងអំណរគុណសម្រាប់ការជឿទុកចិត្ត ភាពជាដៃគូ និងការទទួលស្គាល់ពី CAPA ដែលជាអង្គភាពអាកាសចរណ៍ដ៏ល្បីល្បាញបំផុតក្នុងអាស៊ី-ប៉ាស៊ីហ្វិក។ យើងពិតជាមានសេចក្តីសោមមន្សរីករាយណាស់ក្នុងការនាំយកឱកាសហោះហើរជាមួយនឹងតម្លៃហោះហើរបែបសន្សំសំចៃ និងសេវាផ្សេងៗ ប្រកបដោយភាពរួសរាយរាក់ទាក់ នៅលើយន្តហោះថ្មី និងមានការរៀបចំដ៏ប្រណិត ទៅកាន់អ្នកដំណើរជិត១០០លាននាក់ ស្របពេលដែលយើងក៏បានបង្កើតតម្លៃជាវិជ្ជមានសម្រាប់សហគមន៍ និងដៃគូរបស់ឧស្សាហកម្មអាកាសចរណ៍ ផងដែរ»។
CAPA គឺជាអង្គភាពឈានមុខគេលើការអង្កេតទីផ្សារអាកាសចរណ៍ឯករាជ្យ វិភាគ និងសេវាទិន្នន័យផ្សេងៗ ដែលគ្របដណ្តប់លើការអភិវឌ្ឍនានាទូទាំងពិភពលោក។ ខណៈដែលត្រូវបានបង្កើតឡើងក្នុងឆ្នាំ១៩៩៩ ផ្លាតហ្វមរបស់ CAPA ជួយដល់វិស័យអាកាសចរណ៍ និងអាជីវកម្មរបស់ក្រុមហ៊ុនផ្គត់ផ្គង់ ឲ្យរក្សាការទទួលបានព័ត៌មាន រក្សាការផ្សារភ្ជាប់ទំនាក់ទំនងជាមួយនឹងមេដឹកនាំឧស្សាហរកម្ម និងការបំផុសគំនិតលើបញ្ហាប្រេង ដើម្បីបង្កើតឲ្យមានការផ្លាស់ប្តូរ។ ខណៈដែលត្រូវបានគេទទួលស្គាល់ថា ជាពានរង្វាន់ដ៏មានកិត្យានុភាពមួយសម្រាប់ភាពឥតខ្ចោះផ្នែកយទុសាស្ត្រក្នុងវិស័យអាកាសចរណ៍ CAPA បានផ្តល់ពានរង្វាន់ជាលើកដំបូងរបស់ខ្លួនក្នុងឆ្នាំ២០០៣ ដើម្បីទទួលស្គាល់ពីភាពជោគជ័យរបស់ក្រុមហ៊ុនអាកាសចរណ៍ និងអាកាសយានដ្ឋានក្នុងតំបន់អាស៊ី-ប៉ាស៊ីហ្វិក។
Vietjet បានបន្តពង្រីកបណ្តាញបស់ខ្លួនជាបន្តបន្ទាប់ ដើម្បីបង្កើតឱកាសហោះហើរកាន់តែច្រើនបន្ថែមទៀត រួមជាមួយនឹងតម្លៃសេវាបែបសន្សំចំចៃសម្រាប់គ្រប់គ្នា។ ជាមួយនឹងការផ្តោតលើតម្លៃជាស្នូលរបស់ខ្លួន ទៅលើ «សុវត្ថិភាព សុភមង្គល តម្លៃសមរម និងទៀងទាត់ពេលវេលា» ក្រុមហ៊ុនអាកាសចរណ៍មួយតនេះ ពិតជាមានមោទនភាពណាស់ក្នុងការធានាឲ្យបានថា អ្នកដំណើរទាំងអស់ តែងតែការហោះហើរប្រកបដោយសុវត្ថិភាព និងរីករាយ នៅក្នុងពេលធ្វើដំណើរលើយន្តថ្មី ដែលបំពាក់ដោយកៅអីដ៏មានផាសុខភាព រួមជាមួយនឹងជម្រើសម្ហូបអាហារដ៏ឈ្ងុយឆ្ងាញ់ និងក្តៅចំនួន៩មុខ ដែលត្រូវបានបម្រើដោយបុគ្គលិកដ៏ស្រស់ស្អាត និងរួសរាយរាក់ទាក់របស់ Vietjet។ ក្រុមហ៊ុននេះ ក៏ផ្តល់ជូនឧបករណ៍ប្រើប្រាស់ទំនើប និងសេវាកម្មផ្សេងៗជាច្រើនតាមរយៈផ្លាតហ្វាមពាណិជ្ជកម្មអេឡិចត្រូនិក ផងដែរ។
ជាមួយនឹងការប្រមូលផ្តុំដោយយន្តទំនើបៗដែលមានអាយុកាលជាមធ្យមត្រឹមតែ ២,៧ឆ្នាំ ក្រុមហ៊ុនអាកាសចរណ៍ ប្រតិបត្តិការហោះហើរប្រចាំថ្ងៃចំនួន៤០០លើក ដោយដឹកអ្នកដំណើរច្រើនជាង១០០លាននាក់ មកទល់ពេលនេះ ទូទាំងបណ្តាញដែលមានពង្រីករបស់ខ្លួន ក្នុងនោះរាប់បញ្ចូលទាំងគោលដៅជាច្រើនទូទាំងប្រទេសវៀតណាម និងគោលដៅអន្តរជាតិ ក្នុងប្រទសកម្ពុជា ឥណ្ឌា ជប៉ុន កូរ៉េខាងត្បូង តៃវ៉ាន់ សិង្ហបុរី ហុងកុង ឥណ្ឌូនេស៊ី ថៃ ម៉ាឡេស៊ី មីយ៉ាន់ម៉ា និងប្រទេសចិន។
ក្រុមហ៊ុន Vietjet បានទទួលរង្វាន់សុវត្ថិភាពខ្ពស់បំផុតលំដាប់ផ្កាយ ៧ នៅឆ្នាំ២០១៨ និងឆ្នាំ២០១៩ដោយគេហទំព័រដាក់ពិន្ទុសុវត្ថិភាព និងផលិតផលតែមួយគត់របស់ពិភពលោកឈ្មោះ AirlineRatings.com ហើយក៏ត្រូវបានចាត់ថ្នាក់ជាក្រុមហ៊ុនអាកាសចរណ៍មួយក្នុងចំណោមក្រុមហ៊ុនអាកាសចរណ៍ល្អបំផុតទាំង ៥០ របស់ពិភពលោក សម្រាប់ភាពរឹងមាំផ្នែកហិរញ្ញប្បទាន និងប្រតិបត្តិការ ដែលការចាត់ថ្នាកនេះធ្វើឡើងដោយ Airfinance Journal kក្នុងឆ្នាំ២០១៨ និងឆ្នាំ២០១៩។
ការទទួលបានពានរង្វាន់ដ៏មានកិត្យានុភាពនេះ ពី CAPA ដែលជាអង្គភាពអាកាសចរណ៍ឈានមមុខគេក្នុងពិភពលោក មិនត្រឹមតែជាកិត្តិយសដ៏ធំធេងរបស់ Vietjet ប៉ុណ្ណោះទេ ប៉ុន្តែ ក៏ជាមោទនភាពដ៏ក្រៃលែងសម្រាប់ឧស្សាហកម្មអាកាសចរណ៍ដែលកំពុងរីកចម្រើនរបស់វៀតណាម ផងដែរ៕
ទំនាក់ទំនងព័ត៌មាន៖
ក្រុមហ៊ុន QED
កម្ពុជា(ភាសាខ្មែរ)
អ៊ិន សុផេង
អ៊ីម៉ែល៖ [email protected]
លេខទូរស័ព្ទ៖ +855 87 222 817
កម្ពុជា (អង់គ្លេស)
Julian Rake
អ៊ីម៉ែល៖ [email protected]
លេខទូរស័ព្ទ៖ +855 93 324 283
ក្រុមហ៊ុន Vietjet
កញ្ញា Kieu Duong (ហៅ Amy)
អ៊ីម៉ែល៖ [email protected]
លេខទូរស័ព្ទ៖ +84 932 775 066
