មកដល់ថ្ងៃនេះ ពិធីបុណ្យអុំទូក អកអំបុក បណ្តែតប្រទីប និង សំពះព្រះខែ បានឈានចូលមកដល់ថ្ងៃទី៣ហើយ ប្រជាជនខ្មែរទូទាំងប្រទេស បាននឹងកំពុងតែមានការទន្ទឹងរង់ចាំយ៉ាងអន្ទះសា ខណៈដែលពួកគេបានឈប់សំរាក ដេីម្បីចូលរួមអបអរសាទរក្នុងពិធីបុណ្យជាតិដ៏ធំមួយនេះ ហេីយក៏មានប្រជាជនមួយចំនួនបានត្រលប់ទៅកាន់ស្រុកកំណេីតរបស់ខ្លួន ដេីម្បីជួបជុំបងប្អូនសាច់ញាតិ និងឪពុកម្តាយយ៉ាងនឹករលឹកផងដែរ។
ជាមួយនឹងដំណើរកម្សាន្តក្នុងឱកាសនៃពិធីបុណ្យអុំទូកនេះដែរ ក៏មានតំបន់រមណីយដ្ឋានមួយចំនួនតូច បានទទួលរងនូវការរិះគន់ពីអ្នកដំណើរ និងភ្ញៀវទេសចរណ៍ ដូចជាការ បរិស្ថានមិនស្អាត ការដំឡើងថ្លៃកន្លែង តូប ផ្ទះសំណាក់ សណ្ឋាគារ និងអាហារភេសជ្ជៈជាដេីម ដែលនេះជាបញ្ហាមួយបង្កឲ្យមានការប៉ះពាល់យ៉ាងខ្លាំងចំពោះមុខមាត់ប្រទេសជាតិ។
យ៉ាងណាមិញ ក្រឡេកមកមេីលលោក K01 ឯណេះវិញ ខណៈដែលនៅអំឡុងថ្ងៃនៃពិធីបុណ្យអុំទូក លោក ជាមួយភរិយា និងមិត្តភ័ក្ដិបងប្អូន បានមានដំណេីររួមគ្នាទៅកាន់ខេត្តកំពត ក៏ស្រាប់តែប្រទះឃើញបរិស្ថានមិនស្អាត ដែលសភាពទឹកទន្លេឡេីងកខ្វក់ ដោយក្នុងនោះដែរ លោក K01 ក៏បានមានការលើកឡើងយ៉ាងដូច្នេះថា៖
«ស៊ែរតែម្នាក់មួយ នឹងបានដឹងដល់មិនខាន ជួយខមិនម្នាក់មួយផង សូមផ្ញើរវីដេអូ ដែលថតបានមុនហ្នឹង ទៅមន្ត្រីខេត្ត កំពតជួយ យកភ្នែកមើលផង ស្អុយណាស់ ចង់ដឹងដល់ហើយ តើមានមន្ត្រីខេត្តណា បានមកដល់កន្លែងនឹងអត់? បងប្អូនខេត្តកំពតប្រហែលជាស្គាល់ហើយ»។
