ចំនួនភ្ញៀវទេសចរបរទេសដែលមកទស្សនាប្រទេសកម្ពុជាបានកើនឡើង ១០% ស្មើនឹង ៤.៨ លាននាក់ក្នុងរយៈពេល ៩ ខែដំបូងនៃឆ្នាំនេះ ខណៈដែលជនជាតិចិននៅតែបន្តឈរនៅលំដាប់កំពូលក្នុងបញ្ជីភ្ញៀវទេសចរបន្ទាប់មកគឺជនជាតិវៀតណាម។ យោងតាមរបាយការណ៍ចុងក្រោយរបស់ក្រសួងទេសចរណ៍កម្ពុជាភ្ញៀវទេសចរជាង ៣ លាននាក់ បានធ្វើដំណើរឆ្លងកាត់អាកាសយានដ្ឋានអន្តរជាតិនីមួយៗ ក្នុងចំណោមអាកាសយានដ្ឋានទាំង ៣ ។
ក្នុងនោះភ្ញៀវទេសចរនៅអាកាសយានដ្ឋានអន្តរជាតិភ្នំពេញមានចំនួន ១៥ លាននាក់ នៅអាកាសយានដ្ឋានក្នុងខេត្តសៀមរាបមានចំនួន ១.២ លាននាក់ និងនៅក្រុងព្រះសីហនុមាន ៥៤៩.៤៨១ នាក់។ ទន្ទឹមនឹងនេះប្រទេសចិននៅតែបន្តក្លាយជាទីផ្សារសំខាន់បំផុតសម្រាប់វិស័យទេសចរណ៍ក្នុងស្រុក ដោយសារមានជើងហោះហើរត្រង់ទៅកាន់គលដៅរាប់សិបកន្លែងនៅក្នុងប្រទេសចិន។ ខណៈដែលភ្ញៀវទេសចរវៀតណាមតាមពីក្រោយជនជាតិចិនឈរនៅលំដាប់ទី២ ដែលមកទស្សនា និងកំសាន្តនៅក្នុងប្រទេសកម្ពុជា។
ហេតុដូច្នេះហើយអ្នកនាំពាក្យក្រសួទេសចរណ៍បានលើកឡើងថាវិស័យនេះកំពុងមានកំណើនល្អ ហើយមិនមានការព្រួយបារម្ភអំពីលទ្ធភាពដែលចំនួនភ្ញៀវទេសចរអាចនឹងថយចុះនាពេលអនាគត។ ប៉ុន្តែទោះជាយ៉ាងណាក្រសួងនៅតែខិតខំធ្វើយ៉ាងណា ដើម្បីទាក់ទាញភ្ញៀវទេសចរឲ្យកាន់តែច្រើនតាមរយៈការបង្កើតផលិតផលទេសចរណ៍ថ្មីៗក្នុងទិសដៅសំខាន់ៗ ដោយក្នុងឆ្នាំ ២០២០ កម្ពុជារំពឹងថានឹងទាក់ទាញភ្ញៀវទេសចរបរទេស ៧ លាននាក់៕
