EDC បង្ហាញគំរូវិក្កយបត្រអគ្គិសនីថ្មី ក្រោយពីសម្តេច ប្រកាសសម្រេចឲ្យដកការភ្ជាប់ថ្លៃសំរាមចេញពីវិក្កយបត្រអគ្គិសនី

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅព្រឹកថ្ងៃសុក្រ ទី២៥ ខែតុលា ឆ្នាំ២០១៩នេះ មុនបើកកិច្ចប្រជុំគណៈរដ្ឋមន្ត្រី សម្តេចតេជោ បានបន្តប្រកាសអំពីការដកការភ្ជាប់ថ្លៃសេវាសំរាមចេញពីវិក្កយបត្រអគ្គិសនីកម្ពុជា តាមសំណើរអគ្គិសនីកម្ពុជា ដោយចាប់អនុវត្តពីថ្ងៃទី០១ ខែមករា ឆ្នាំ២០២០តទៅ។

សម្តេចតេជោ ហ៊ុន សែន បានមានប្រសាសន៍ថា ការធ្វើដូចនេះមិនត្រឹមតែឆ្លើយតបទៅនឹងបំណងប្រាថ្នារបស់ប្រជាពលរដ្ឋនោះទេ ប៉ុន្តែវាជាការចាំបាច់ដើម្បីកុំឲ្យបញ្ហាសំរាមនេះក្លាយទៅជាកត្តា ដែលប្រជាជនមើលមិនឃើញពីការវិវត្តន៍ជាវិជ្ជមាននៃការកែទម្រង់របស់អគ្គិសនីកម្ពុជា ដែលបានខិតខំកែលម្អសេវាបម្រើអតិថិជនរបស់ខ្លួន រួមទាំងការបញ្ចុះថ្លៃអគ្គិសនីជាបន្តបន្ទាប់រួចហើយ។

សម្តេចតេជោ ហ៊ុន សែន បានថ្លែងថា ការវះកាត់ជម្ងឺរ៉ាំរ៉ៃមួយនេះបានណែនាំឲ្យព្យាបាលតាំងពីយូរមកហើយពីឆ្នាំ២០១៥ ប៉ុន្តែមិនត្រូវបានធ្វើ។ កាលពីថ្ងៃទី២២ ខែតុលា ឆ្នាំ២០១៩ តាមរយៈ Facebook សម្តេចតេជោបានបញ្ចាក់ថា សម្រេចដកថ្លៃសេវាប្រមូលសំរាមចេញពីវិក្កយបត្រថ្មីរបស់អគ្គិសនីកម្ពុជា ចាប់ពីថ្ងៃទី០១ ខែមករា ឆ្នាំ២០២០តទៅ។

ក្រោយពីមានការប្រកាសរបស់សម្តេចតេជោ ហ៊ុន សែន អំពីការដកថ្លៃសំរាមចេញពីវិក្កយបត្រអគ្គិសនី។ អគ្គិសនីកម្ពុជា សូមបង្ហាញនូវវិក្កយបត្រគំរូថ្មី ដែលគ្មានភ្ជាប់ថ្លៃសំរាម៕

ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

ព័ត៌មានទាក់ទង៖

  • ព័ត៌មានថ្មីៗ