Channel YouTube មានឈ្មោះថា “PewDiePie” ដែលជា Channel ដ៏មានប្រជាប្រិយភាពអំពីវីដេអូបែបកំសាន្តនោះ ត្រូវបានគេហាមឃាត់ជាផ្លូវការនៅក្នុងប្រទេសចិនហើយ ក្រោយ Channel មួយនេះបានបង្ហោះវីដេអូបែប Troll ដែលប្រៀបធៀបថា លោកប្រធានាធិបតីចិន Xi Jinping មានមុខមាត់ដូចតួអង្គតុក្កតា Winnie the Pooh។ បើតាមលោក Kjellberg ដែលម្ចាស់ Channel YouTube មួយនេះបាននិយាយតាមវីដេអូផ្លូវការរបស់គាត់ថា Channel “PewDiePie” ត្រូវបានហាមឃាត់នៅក្នុងប្រទេសចិនហើយ។

ដែលមានន័យថាអ្នកប្រើប្រាស់អ៊ីនធឺណិតក្នុងប្រទេសចិនមិនអាចមើលឃើញវីដេអូទាំងចាស់ និងថ្មីរបស់គាត់ទៀតទេ ពោលគឺពេលពួកគេចូលទៅកាន់ Channel មួយនេះវានឹងមិនបង្ហាញវីដេអូណាមួយទាល់តែសោះ។ Youtuber ជនជាតិស៊ុយអែតរូបនេះ បានសម្តែងនូវការសោកស្តាយចំពោះវិធានការបស់រដ្ឋាភិបាលចិនទៅលើ Channel របស់គាត់ ហើយគាត់ក៏សុំទោសទៅកាន់អ្នកគាំទ្រររបស់គាត់នៅក្នុងប្រទេសចិនផងដែរ និងសន្យាថាគាត់នឹងព្យាយាមបង្កើតវីដេអូថ្មីៗសម្រាប់អ្នកគាំទ្ររបស់គាត់ និងមិនធ្វើឲ្យប៉ះពាល់ដល់អ្នកណាម្នាក់ឡើយ៕