មេដឹកនាំកូរ៉េខាងជើងលោក គីម ជុងអ៊ុនត្រូវបានគេប្រទះឃើញជិះសេះឡើងភ្នំខ្ពស់ជាងគេក្នុងប្រទេស។
យោងតាមសារព័ត៌មានរដ្ឋ KCNA ឲ្យដឹងថា លោកគីម ជុងអ៊ុនបានជិះសេះស ឡើងភ្នំ Paektu ដែលមានកម្ពស់ជាង ២ ៧៥០ម៉ែត្រ។ ចំណែកឯក្រុមអ្នកវិភាគឲ្យដែរថា សកម្មភាពនេះតែងតែត្រូវបានធ្វើឡើងមុនពេលធ្វើសេចក្ដីប្រកាសសំខាន់ៗក្នុងជួររដ្ឋាភិបាល។ ជាមួយគ្នា ភ្នំ Paektu បង្កប់អត្តសញ្ញាណដ៏សំខាន់មួយនៃប្រទេសនេះ ដែលជាកន្លែងកំណើតរបស់ឪពុកលោក គីម ជុងអ៊ុន។
គួរឲ្យដឹងថា កាលពីឆ្នាំ ២០១៧កន្លងទៅ លោកគីម ជុងអ៊ុនបានមកទស្សនកិច្ចភ្នំនេះរយៈពេលប៉ុន្មានសប្ដាហ៍ប៉ុណ្ណោះមុនពេលដែលលោកធ្វើសុន្ទរកថាអំពីការខកខានការទូតជាមួយប្រទេសកូរ៉េខាងត្បូង៕
