មិនធម្មតា! អាយុទើប ៦ ឆ្នាំសោះ តារា YouTuber កូរ៉េ ក្មេងល្អិតម្នាក់នេះ អាចរកលុយទិញបានផ្ទះតម្លៃ ៨ លានដុល្លារ

យោង​តាម​សារព័ត៌មាន Channel News Asia បាន​ឱ្យ​ដឹង​ថា តារា YouTube កូរ៉េ​វ័យ​ក្មេង​ម្នាក់ មាន​ឈ្មោះ​ថា Boram និង គ្រួសារ​របស់​នាង​ទើបតែ​ទិញ​ផ្ទះ​កម្ពស់ ៥ ជាន់​មួយ​ខ្នង នៅ​ក្នុង​សង្កាត់ Gangnam ទីក្រុង Seoul ប្រទេស​កូរ៉េខាងត្បូង ក្នុង​តម្លៃ ៩,៥ ពាន់លានវ៉ុន (៨,០៥ លានដុល្លារ) ។

YouTuber អាយុ ៦ ឆ្នាំ​ខាងលើ​នេះ មាន​ចំនួន Subscriber ជាង ៣០ លាន​នាក់ លើ​ឆាណែល YouTube របស់​នាង​ចំនួន ២ ។ ឆាណែល​ទី ១ គឺ Boram Tube Vlog ដែល​មាន​ចំនួន Subscriber ១៧,៦ លាន​នាក់ និង Boram Tube Toys Review មាន ១៣,៦ លាន​នាក់ ។

បើ​តាម​កាសែត Korea Times បាន​ឱ្យ​ដឹង​ថា នាង​គឺ​ជា YouTuber កូរ៉េ​ដែល​មាន​អ្នកគាំទ្រ​ច្រើន​បំផុត​មួយ ដោយ​អាចរ​កចំណូល​ក្នុង​មួយ​ខែ​បាន ៣,៧ ពាន់លានវ៉ុន (ជាង ៣ លានដុល្លារ) ពី​ឆាណែល YouTube ទាំង ២ របស់​នាង ។

សូមបញ្ជាក់ថា ផ្ទះ​នោះ​ឈរ​លើ​ផ្ទៃ​ដី​សរុប ២៥៨,៣ ម៉ែត្រការ៉េ ស្ថិត​ក្នុង​សង្កាត់ Gangnam ដែល​បាន​ទិញ​កាល​ពី​ថ្ងៃ​ទី ៣ ខែ មេសា ឆ្នាំ ២០១៩ កន្លងទៅនេះ ដោយ​ក្រុមហ៊ុន Boram Family ដែល​ដំណើរការ​ឆាណែល YouTube របស់​នាង ៕

ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

ព័ត៌មានទាក់ទង៖

  • ព័ត៌មានថ្មីៗ