គម្រោងអគារខ្ពស់កម្ពស់ ១៣៥ម៉ែត្រ នឹងក្លាយជាអគារខ្ពស់ជាងគេបំផុតក្នុងទីក្រុង Prague នៃសាធារណរដ្ឋឆេក ប្រសិនបើវាត្រូវបានទទួលការអនុញ្ញាតឲ្យសាងសង់ដោយអាជ្ញាធរ។ រចនាឡើងដោយលោក David Cerny និងស្ថាបត្យករ Tomas Cisar អគារ the Top Tower នឹងផ្ដល់ជូននូវទស្សនីយភាពពីលើទីក្រុងទាំងមូលជាមួយនឹងជណ្ដើរយន្ដខាងក្រៅអគារ។ លើសពីនេះទៀត វានឹងត្រូវបានប្រើប្រាស់សម្រាប់ជួលដល់កន្លែងស្នាក់នៅ និងការិយាល័យផ្សេងៗ។ ជាមួយនឹងរូបរាងដូចនឹងកប៉ាល់ គម្រោងអគារនេះអាចនឹងចាប់ផ្ដើមសាងសង់នៅឆ្នាំ ២០២១ ហើយចំណាយរយៈពេលប្រមាណ ៣ឆ្នាំក្នុងទំហំទឹកប្រាក់ជាង ៨៤លានដុល្លារ៕
