ការប្រកួតខ្នាតធំរបស់ MOBILE LEGEND BANG BANG WORLD CAMBODIA QUALIFIER ហៅកាត់ថា M1 ដែលទទួលរៀបចំការប្រកួតដោយក្រុមហ៊ុន GEN នឹងសហការដោយសហព័ន្ធកីឡាអេឡិចត្រូនិកកម្ពុជា (EFC) បានបើកការចុះឈ្មោះហើយ ការចុះឈ្មោះចាប់ពីថ្ងៃនេះរហូតដល់ថ្ងៃទី២៧ ខែកញ្ញា ឆ្នាំ២០១៩ ចំនួនក្រុមកំណត់ ១២៨ក្រុម។
សម្រាប់ការប្រកួតនឹងធ្វើការជម្រុះ ONLINE នៅថ្ងៃទី ០២ ខែតុលា ឆ្នាំ២០១៩ ខាងមុខនេះដើម្បីស្វែងរកក្រុមខ្លាំង ៤ ក្រុមចុងក្រោយឆ្ពោះទៅវគ្គផ្តាច់ព្រ័ត្រ នៅថ្ងៃទី ១២ ខែតុលា ឆ្នាំ ២០១៩ ទីតាំងប្រកួតនៅសាល AEON II សែនសុខ។
ចំណែកឯប្រាក់រង្វាន់សរុបមានចំនួន ៦ ០០០ដុល្លារ (ប្រាំមួយពាន់ដុល្លារ) បូករួមទាំង Diamond (ពេជ្រ) ទៀតផង ក្រុមកីឡាករជ័យលាភីជើងឯក និងទទួលបានសិទ្ធិចូលរួមប្រកួតនៅប្រទេសម៉ាឡេស៊ី តំណាងឲ្យប្រទេសកម្ពុជាវគ្គផ្តាច់ព្រ័ត្រ M1 2019 ។
ការប្រកួតវគ្គផ្តាច់ព្រ័ត្រ M1 2019 ដែលមានប្រាក់រង្វាន់សរុបរហូតដល់ ២៥០ ០០០ដុល្លារ នឹងប្រព្រឹត្តិទៅក្នុងទីក្រុងកូឡាឡាំពួរ ប្រទេសម៉ាឡេស៊ី ដែលមានការចូលរួមប្រកួត ១៦ ក្រុមមកពី ១៣ ប្រទេសឥណ្ឌូនេស៊ី ហ្វីលីពីន ឡាវ ម៉ាឡេស៊ី សិង្ហបុរី ភូមា វៀតណាម ថៃ ជប៉ុន សហរដ្ឋអាមេរិក ប្រេស៊ីល រុស្ស៊ី និងកម្ពុជា។
ការប្រកួតមាន២ ដំណាក់កាលគឺ៖
- ដំណាក់កាលទី ១ វគ្គ GROUP STAGE ដែលហៅថាវគ្គសន្សំពិន្ទុនឹងប្រព្រឹត្តទៅរយៈពេល ៤ថ្ងៃគឺនៅថ្ងៃទី១១-១៤ ខែវិច្ឆិកា ឆ្នាំ២០១៩។
- ដំណាក់ទី ២ វគ្គ PLAY OFF ដែលជាវគ្គជម្រុះនឹងប្រព្រឹត្តទៅរយៈពេល ៣ថ្ងៃគឺនៅថ្ងៃទី ១៥-១៧ ខែវិច្ឆិកា ឆ្នាំ២០១៩នេះ។ សំរាប់ការដែលបានចុះឈ្មោះប្រកួតហើយ និងព័ត៍មានបន្ថែមសូមចូលទៅកាន់តំណនេះ៖
Facebook.com/MobileLegendsGameCambodia
ដូច្នេះក្រុមកីឡាករទាំងអស់ កុំឲ្យឱកាសដ៍ធំនេះកន្លងផុតទៅ សូមចូលរួមប្រកួតដើម្បីតំណាងឲ្យប្រទេសកម្ពុជានៅលើឆាកអន្តរជាតិ។ ចំណែកឯទស្សនិកជន ដែលជាអ្នកគាំទ្រនិងស្រឡាញ់វិស័យ Esports សូមអញ្ជើញចូលរួមឲ្យបានច្រើនកុះករ នៅថ្ងៃទី១២ ខែតុលា ឆ្នាំ២០១៩ ទីតាំងប្រកួតនៅសាល AEON II សែនសុខ។
