បើតាមទិន្នន័យចុងក្រោយរបស់អង្គការសុខភាពពិភពលោក ហើយចុះផ្សាយ ដោយគេហទំព័រ The ASEAN Postបានឲ្យដឹងថា ប្រទេសថៃជាប់ជាប្រទេស ដែលមានអត្រាសម្លាប់ខ្លួន ច្រើនជាងគេក្នុងតំបន់អាស៊ាន។
ប្រទេសនេះ មានអត្រាអ្នកសម្លាប់ខ្លួន ១៤.៤នាក់ ក្នុងចំណោមប្រជាជន ១០ម៉ឺននាក់ ដែលស្មើនឹងប្រមាណជាង ១ម៉ឺននាក់ក្នុងមួយឆ្នាំៗ ដែលជាប់លេខ ៣២លើពិភពលោក។
ចំណែកឯកម្ពុជាវិញ មានអត្រាអ្នកសម្លាប់ខ្លួនប្រមាណ ៥.៣នាក់ ក្នុងចំណោម ១០ម៉ឺននាក់ ស្មើនឹងប្រមាណ ៨០០នាក់ក្នុងមួយឆ្នាំៗ ដែលជាប់លេខ ១២៧លើពិភពលោក។
ខាងក្រោមនេះ ជាទិន្នន័យអត្រាសម្លាប់ខ្លួន (ក្នុង ១០ម៉ឹននាក់) នៅក្នុងប្រទេសអាស៊ាន៖
១. ថៃ៖ ១៤.៤/ ជាប់លេខ ៣២ក្នុងពិភពលោក។
២. សិង្ហបុរី៖ ១១.២/ ជាប់លេខ ៦៧ក្នុងពិភពលោក។
៣. ឡាវ៖ ៨.៦/ ជាប់លេខ ៨៤ក្នុងពិភពលោក។
៤. មីយ៉ាន់ម៉ា៖ ៧.៨/ ជាប់លេខ ៩៤ក្នុងពិភពលោក។
៥. វៀតណាម៖ ៧.៣/ ជាប់លេខ ១០១ក្នុងពិភពលោក។
៦. ម៉ាឡេស៊ី៖ ៥.៥/ ជាប់លេខ ១២៣ក្នុងពិភពលោក។
៧. កម្ពុជា៖ ៥.៣/ ជាប់លេខ ១២៧ក្នុងពិភពលោក។
៨. ប្រ៊ុយណេ៖ ៤.៦/ ជាប់លេខ ១៥០ក្នុងពិភពលោក។
៩. ឥណ្ឌូណេស៊ី៖ ៣.៤/ ជាប់លេខ ១៥៨ក្នុងពិភពលោក។
១០. ហ្វីលីពីន៖ ៣.២/ ជាប់លេខ ១៦៣ក្នុងពិភពលោក៕
