ការប្រកាសលទ្ធផលកីឡាករបាល់ទាត់ឆ្នើមរបស់ពិភពលោក ឬ Best FIFA ប្រចាំឆ្នាំ២០១៩ នឹងត្រូវប្រកាសឲ្យដឹងនៅយប់នេះវេលាម៉ោង១រំលងអាធ្រាត្រឆ្លងចូលថ្ងៃអង្គារ។
Lionel Messi, Cristiano Ronaldo និង Virgil van Dijk ដែលជាបេក្ខភាព៣នាក់ចុងក្រោយ នឹងមានម្នាក់ឈរលើឆាកកាន់ពាន ក្នុងកម្មវិធី Best Fifa Football Awards រៀបចំឡើងដោយសហព័ន្ធបាល់ទាត់ពិភពលោក FIFA។ Van dijk គឺជាបេក្ខភាពឈានមុខគេ ក្រោយឈ្នះ UEFA Men’s Player of the Year កាលពីពេលថ្មីៗ។
ក្រៅពីពាន កីឡាករបាល់ទាត់ឆ្នើម នៅមានពានផ្សេងទៀតដែលនឹងប្រកាសនៅយប់ជាមួយគ្នាដូចជា ពានអ្នកចាំទីឆ្នើមប្រចាំឆ្នាំ, ពានគ្រូបង្វឹកឆ្នើមប្រចាំឆ្នាំ និងពានកីឡាការិនីឆ្នើមប្រចាំឆ្នាំជាដើម៕
