ភ្នំពេញៈ ក្រោយពីដឹងដំណឹងលោក គឹម ហេង អតីតធ្លាប់ជាចៅហ្វាយខ្លួនកាលនៅច្រៀងក្នុងផលិតកម្មដំបូងគឺផលិតកម្ម KH Promotion អ្នកមេម៉ាយសាច់ខ្ចីល្វក់ សុខ ស្រីនាង បានស្កាត់ជួបលោកតាមសន្យា ខណៈដែលលោកកំពុងធ្លាក់ខ្លួនមកលក់ភេសជ្ជៈតាមផ្លូវទៅវិញ ដោយនាពេលថ្មីៗនេះឃើញគេបង្ហោះរូបលោកតាមបណ្តាញសង្គមផ្អើលទាំងសង្គមសិល្បៈ នងក្រៅសិល្បៈ។
ដោយធ្លាប់ជ្រកក្នុងផលិតកម្ម KH Promotion នោះសុខ ស្រីនាង ក៏បានបង្ហាញការភ្ញាក់ផ្អើល ដោយសឹងតែមិនជឿថា ម្ចាស់ផលិតកម្មរូបនេះ ដែលជាអ្នកមានគុណបានផ្តល់កន្លែងឲ្យច្រៀងស្រាប់តែមកបង្កើតអាជីវកម្មនៅតាមដងផ្លូវទៅវិញ។ អ្នកនាង សុខ ស្រីនាង បានសរសេរសររៀបរាប់ថា៖ «តើវាជារឿងការពិត ឫយ៉ាងណា?? ខ្ញុំសឹងតែមិនជឿ my boss ខ្ញុំមិនដែលភ្លេចទេ ថាគាត់(ហ៊ា គឹម ហេង ហើយ និងភរិយា) គឺជាអ្នកមានគុណដំបូង ដែលបានផ្តល់កន្លែងអោយខ្ញុំបានច្រៀង បានក្លាយទៅជាតារាចម្រៀងមកដល់សព្វថ្ងៃនេះ បើគ្មានពួកគាត់ក៏ប្រហែលជាពុកម៉ែបងប្អូន មិនស្គាល់នាងខ្ញុំដែរ ខ្ញុំចង់ជួបគាត់ណាស់ ហ៊ា….!!! សង្ឃឹមបានជួបហ៊ាឆាប់ៗនេះRespect My boss KH promotion«។
មិនយូរប៉ុន្មាន សុខ ស្រីនាងក៏បានស្កាតទៅជួបលោក គឹម ហេង តាមសន្យា បានជួបនឹងម្ចាស់ផលិតកម្ម KH ដែលជាអ្នកមានគុណ បានឲ្យគាត់ក្លាយជាតារាចម្រៀង ដោយគាត់បានបង្ហោះរូបភាព ព្រមទាំង Caption រៀបរាប់ថា៖ «រីករាយណាស់ថ្ងៃនេះដែលបានជួបហ៊ា បែកគ្នារយៈពេលជិត10ឆ្នាំ ហើយ ជូនពរហ៊ាមានសុខភាពល្អ បានធូរស្រាលឆាប់ៗនេះឡើងវិញ«។ គួរបញ្ជាក់ថា អតីតជាម្ចាស់ផលិតកម្ម KH លោក គឹម ហេង បានបាត់មុខពីពិភពសិល្បៈបន្ទាប់ពីផលិតកម្មបិទទ្វារ ដោយលោកបានមកប្រើជីវិតសាមញ្ញ ដាំដុះបន្លែផ្លែឈើ ក្នុងនាមជាអ្នកចំការមួយរូប។ ក្នុងនោះលោក គឹម ហេង ក៏បានមកកាន់ក្រុងភ្នំពេញ ដើម្បីប្រកបរបរអាជីវកម្មតាមដងផ្លូវ នៅតាមផ្លូវជាតិលេខ១ ហួសបូរីប៉េងហួត ដោយលក់ភេសជ្ជៈ អាវភ្លៀង ខណៈអាជីវកម្មនេះលោកចំណាយទុន ៥០០ ដុល្លារ និងជួលដីនៅមុខផ្ទះគេក្នុងមួយខែ ១០០ដុល្លារ។
ដោយឡែកតារាចម្រៀងស្រីកំពុងតែឡើងកូដនៅទ្រនំថ្មីហង្សមាស អ្នកនាង សុខ ស្រីនាង កាលពីដំបូងបានចាប់ផ្តើមអាជីពចម្រៀងនៅផលិតកម្ម KH Promotion ជាមួយនឹងតារាស្រីសាច់សខ្ចី សំឡេងស្រួយ កញ្ញា សុខ ពិសី លោក ហ្សូ ណូ ជាដើម។ ក្រោយមក សុខ ស្រីនាង បានទៅជ្រកកោនផលិតកម្មសាន់ដេ និងចុងក្រោយតារាស្រីរូបនេះ កំពុងក្តាប់បានតំណែងជាគណៈកម្មការនៃកម្មវិធីប្រឡងចម្រៀងកុមារលំដាប់ពិភពលោករដូវកាលទី១ Cambodian Idol Junior នៅហង្សមាស៕
