Apple នឹងដាក់លក់ផ្លូវការ iPhone សេរ៊ីឆ្នាំ ២០១៩ នៅថ្ងៃទី ២០ កញ្ញាខាងមុខ ប៉ុន្តែសម្រាប់ប្រព័ន្ធប្រតិបត្តិ iOS 13 ក៏នឹងសម្រេចដាក់ឲ្យអាប់ដែតបានមុននោះប្រហែល ២៤ ម៉ោងពោលគឺនៅថ្ងៃទៅ ១៩ កញ្ញា។
មុខងារថ្មីៗជាច្រើននឹងលេចចេញលើ iOS 13 ដែលមានដូចជា Dark Mode, កម្មវិធីថ្មី ‘Find My’ និងការពង្រឹងល្បឿនក៏ដូចជាប្រព័ន្ធសុវត្ថិភាពលើ iPhone/iPad ជាដើម។ យ៉ាងណាមិញមិនសុទ្ធតែគ្រប់ឧបករណ៍អាចដំឡើងទៅកាន់ OS ថ្មីនោះបានទេ ពោលគឺ Apple បានកំណត់ចាប់ពី iPhone 6s និង iPad Air 2/Mini 4 ឡើងទៅ។
ជាលទ្ធផលសម្រេចថា iPhone 5s, iPhone 6, iPhone 6 Plus, iPad Air, iPad Mini 2 និង iPad Mini 3 គឺពុំអនុញ្ញាតឲ្យដំឡើងទៅកាន់ iOS 13 បានឡើយ ហើយត្រូវបន្តប្រើប្រាស់ជំនាន់ចុងក្រោយនៃ iOS 12 ដដែល៕
