Channel YouTube ដែលមាន Subscriber ចំនួន ១០០ លាននាក់ មានចំនួនពីរគិតត្រឹមបច្ចុប្បន្ននេះ។ នៅពេលនេះពានរង្វាន់ពិសេសសម្រាប់សមិទ្ធផលធំមួយនេះ បានបង្ហាញមុខឡើងជាលើកដំបូង។
ពានរង្វាន់ពិសេសនេះ YouTube ឲ្យឈ្មោះថា Red Diamond Creator Award ដែលដាក់ឈ្មោះតាមគ្រាប់ពេជ្រមានពណ៌កម្រមួយប្រភេទ ហើយវាធ្វើឡើងអំពីកញ្ចក់ក្រហមពិសេស និងធ្វើដោយដៃទៀតផង។
YouTube បានប្រកាសថាគណនីចំនួនពីរដំបូងគេដែលទទួលបានពាននេះគឺ T-Series និង PewDiePie។ T-Series គឺជាគណនីផលិតកម្មកម្សាន្តធំមួយនៅឥណ្ឌា ខណៈ PewDiePie គឺជាគណនី YouTuber សញ្ជាតិស៊ុយអែតដែលមានឈ្មោះពិត Felix Kjellberg៕
