• សម្លាប់ប្រពន្ធ ហេីយចងកធ្វេីអត្តឃាតខ្លួនឯង បន្សល់ទុកកូនប្រុសអាយុទើបជាង១ខួបឲ្យរស់នៅកំព្រា ព្រោះតែ…

    (កំពង់ធំ)៖ រឿងដ៏សែនសោកសៅមួយបានកើតឡើងក្នុងគ្រួសារក្រីក្រមួយស្ថិតនៅភូមិគូរ ឃុំចុងដូង ស្រុកបារាយណ៍ ខេត្តកំពង់ធំ ដោយបុរសជាប្តីបានយកកាំបិតកាប់សម្លាប់ភរិយា ហើយចងកសម្លាប់ខ្លួនតាមក្រោយ បន្សល់ទុកកូនប្រុសអាយុទើបជាង១ខួបឱ្យរស់នៅកំព្រា។

    ប្រជាពលរដ្ឋនៅជិតកន្លែងកើតហេតុបានឱ្យសមត្ថកិច្ចដឹងថា នៅវេលាម៉ោងប្រមាណ ៩៖៣០នាទីយប់ថ្ងៃទី២០ ខែសីហា ឆ្នាំ២០១៩ គេបានឮស្នូរវាយ និងសម្រែកប្រពន្ធស្រែកឱ្យជួយ តែមិនមាននរណាជួយនោះឡើយ។ ដោយសារតែជាទម្លាប់ក្នុងគ្រួសារនេះ តែងតែឈ្លោះគ្នាស្ទើររាលថ្ងៃ។

    លុះដល់ព្រឹកថ្ងៃទី២១ ខែសីហា ពេលដើរទៅមើលផ្ទះកន្លែងកើតហេតុ គេបានឃើញបុរសជាប្តីបានចងកសម្លាប់ខ្លួននឹងធ្នឹមផ្ទះ ខណៈភរិយាដេកស្លាប់លើគ្រែដោយមានស្នាមរបួសកាប់នឹងកាំបិតជាច្រើនកន្លែង។

    លោកវរសេនីយ៍ទោ កែ កញ្ចនា អធិការរងនគរបាលស្រុកបារាយណ៍ បានអះអាងថា ហេតុការណ៍នេះអាចបណ្តាលមកពីស្វាមីជាជនញៀនថ្នាំ បូករួមជាមួយភ្លៀងប្រចណ្ឌផងនោះក្លាយជាកំហឹង ហើយកាប់សម្លាប់ភរិយាខ្លួនឯង បន្ទាប់មករត់ទៅចងកសម្លាប់ខ្លួនជាក្រោយ។

    ភរិយាដែលត្រូវបានប្តីកាប់សម្លាប់នេះមានឈ្មោះ មុំ សុខណា អាយុ ២២ឆ្នាំ ហើយបុរសជាប្តីមានឈ្មោះ ស៊ុន សុគាន់ អាយុ ៣៨ឆ្នាំ។ បន្ទាប់ពីសមត្ថកិច្ចធ្វើកោសលវិចយរួចរាល់ហើយ សពប្តី-ប្រពន្ធនេះ ត្រូវបានប្រគល់ជូនសាច់ញ្ញាតិ និងឪពុកម្តាយធ្វើបុណ្យតាមប្រពៃណី៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ