ចំនួនមនុស្សស្លាប់កើនដល់ ៣៣នាក់ហើយ ក្នុងគ្រោះអគ្គីភ័យរបស់ក្រុមហ៊ុន Kyoto Animation ដ៏រន្ធត់នៅជប៉ុន

(តូត្យូ)៖ ចំនួនមនុស្សស្លាប់បានកើនឡើងដល់ ៣៣នាក់ និង៣៦នាក់ទៀតរងរបួស នៅក្នុងហេតុការណ៍អគ្គីភ័យឆាបឆេះស្ទូតឌីយ៉ូមួយកន្លែង របស់ក្រុមហ៊ុនផលិតគំនូរ ជីវចល ក្នុងទីក្រុងក្យូតូ (Kyoto) ភាគខាងលិចប្រទេសជប៉ុន។ នេះបើតាមការចេញ ផ្សាយសារព័ត៌មាន CNN នៅថ្ងៃសុក្រ ទី១៩ ខែកក្កដា ឆ្នាំ២០១៩។

យោងតាមក្រុមអ្នកពន្លត់អគ្គីភ័យ ភ្លើងបានឆាបឆេះស្ទូតឌីយ៉ូរបស់ក្រុមហ៊ុន Kyoto Animation នៅម៉ោងប្រមាណ ១០៖៣០នាទី កាលពីព្រឹកថ្ងៃព្រហស្បតិ៍នេះ បន្ទាប់ពី មានសំឡេងផ្ទុះបានកើតឡើង។ ក្រុមពន្លត់អគ្គិភ័យបានបំពេញប្រតិបត្តិការរបស់ពួកគេ យ៉ាងសស្រាក់សស្រាំរហូតដល់អាចពន្លត់ អគ្គីភ័យទាំងស្រុងនាវេលារសៀលថ្ងៃ ដដែល។

គួរបញ្ជាក់ថា បុរសជាជនសង្ស័យម្នាក់ មានអាយុ៤១ឆ្នាំ ត្រូវបានអាជ្ញាធរជប៉ុនចាប់ខ្លួន ហើយសាក្សីនៅមានជីវិតមួយចំនួន បានអះអាងថា បុរសរូបនេះបានស្រែកពាក្យថា «ស្លាប់ទៅ» មុននឹងរូបគេគប់វត្ថុម្យ៉ាងចូលមកក្នុងអគាររបស់ក្រុមហ៊ុនខាងលើ។

បន្ថែមពីលើនេះ បើតាមអាជ្ញាធរជប៉ុន កាលពីកំឡុងពេលកើតហេតុ មនុស្សប្រមាណ ៧០នាក់ កំពុងស្ថិតនៅក្នុងអគារក្រុមហ៊ុន Kyoto Animation រីឯនាយករដ្ឋមន្ត្រីជប៉ុន លោក អាបេ ស៊ីនហ្សូ ក៏បានចូលរួមរំលែកទុក្ខដល់ជនរងគ្រោះ នៅក្នុងគ្រោះអគ្គីភ័យ ដ៏អាក្រក់នេះដែរ៕

ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

ព័ត៌មានទាក់ទង៖

  • ព័ត៌មានថ្មីៗ