អ្នក​លក់​បាយ គុយទាវ នៅ​ខេត្ត​ស្វាយរៀង សម្រេចយក​សាច់​គោ មក​ជំនួស​សាច់​ជ្រូក​វិញ ក្រោយ​ផ្ទុះ​ជំងឺ​ប៉េស្ត​ជ្រូក​​អាហ្វិក

(ស្វាយរៀង)៖ ជំងឺប៉េស្តជ្រូកអាហ្រ្វិកថ្វីត្បិតមិនប៉ះពាល់ដល់មនុស្ស យ៉ាងណាក៏ដោយ តែពលរដ្ឋ និងអាជីវករ មួយចំនួន នៅខេត្តស្វាយរៀង បានងាកមកយកសាច់សត្វផ្សេងទៀតមកធ្វើម្ហូប ខណៈជំងឺប៉េស្តជ្រូកអាហ្វ្រិក ផ្ទុះឡើងនៅក្នុងឃុំក្រោលគោ ស្រុកស្វាយជ្រុំ ខេត្តស្វាយរៀង។

ប្រជាពលរដ្ឋ និងអាជីវករនៅក្រុងស្វាយរៀង បានលើកឡើងថា ពួកគាត់ឥឡូវមិនសូវទិញសាច់ជ្រូក យកមកធ្វើម្ហូបបរិភោគទេ ទោះបីជាខាងក្រសួងកសិកម្មរុក្ខាប្រមាញ់ និងនេសាទ និងអាជ្ញាធរខេត្តស្វាយរៀង បានធ្វើការផ្សព្វផ្សាយ ស្តីពីជំងឺប៉េស្តជ្រូកអាហ្វ្រិក ដែលកំពុងផ្ទុះឡើង នៅឃុំក្រោលគោ ស្រុកស្វាយជ្រុំ ខេត្តស្វាយរៀងថា ជំងឺប៉េស្តជ្រូកអាហ្វ្រិកមួយប្រភេទនេះ មិនអាចឆ្លងមកមនុស្សនោះទេ ហើយការព្រួយបារម្ភ របស់ព្រជាពលរដ្ឋ ជាហេតុធ្វើឱ្យអាជីវករលក់សាច់ជ្រូក និងតាមហាងលក់បាយគុយទាវមួយចំនួន ក្នុងខេត្តស្វាយរៀង ឈប់លក់សាច់ជ្រូក ប្តូរមកលក់សាច់គោសាច់មាន់ និងសាច់ត្រីជំនួសវិញជាដើម។

អ្នកលក់បាយគុយទាវ ដែលគាត់លក់សាច់ជ្រូកចៀន មិនដាច់ហើយគ្មានអ្នកហូបសល់ស្ទើរតែរាល់ថ្ងៃ ភ្ញៀវដែលមកហូបបាយ និងកុម្ម៉ង់បាយសាច់ជ្រូកក៏ប្តូរមកហូបបាយសាច់គោ វីញព្រោះមួយរយៈនេះល្បីថា មានជំងឺប៉េស្តជ្រូកអាហ្រ្វិក ផ្ទុះឡើងនៅខេត្តស្វាយរៀងផង ហើយភ្ញៀវមកមួយចំនួនចេះតែខ្លាចជំងឺនេះ មិនហ៊ានបរិភោគសាច់ជ្រូក ដោយខ្លាចប៉ះពាល់ដល់សុខភាព ទើបធ្វើឱ្យពួកលក់មិនដាច់អេ (សល់) ស្ទើររាល់ថ្ងៃ។អ្នកស្រីបញ្ជាក់ទៀតថា បើសិនជាជំងឺនេះ បានស្ងប់ស្ងាត់ទៅវិញ ហើយមានភ្ញៀវមករកទើបគាត់ ហ៊ានលក់វិញបើមិន ដូច្នេះគឺសល់គ្មានអ្នកទិញហូបឡើយ។

ស្រដៀងគ្នានេះ ដែលអាជីវករជាអ្នកលក់សាច់គោសាច់ជ្រូក នៅផ្សារប្រសូត្របានប្រាប់ឱ្យថា កាលពីមុនពួកគាត់លក់សាច់ជ្រូកដាច់គួរសម ក្នុងមួយថ្ងៃអាចលក់អស់១០០គីឡូក្រាម ទៅជាង១០០គីឡូក្រាម ប៉ុន្តែមួយរយៈនេះ ដោយសារមានផ្ទុះ នូវជំងឺប៉េស្តជ្រូកអាហ្វ្រិក មកគាត់លក់សាច់តែ១០គីឡូក្រាម មិនអស់ផង៕

ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

ព័ត៌មានទាក់ទង៖

  • ព័ត៌មានថ្មីៗ