• តើប្រទេសមួយណា នៅ​អឺរ៉ុប​ដែលឈ្នះ​ World Cup បានមុនគេ?

    ព្រឹត្តិការណ៍ FIFA World Cup បង្កើត​ឡើង​ដំបូង​នៅ​ឆ្នាំ១៩៣០ ដោយ​មាន​ ១៣​ប្រទេស​ចូល​រួម។ ក្នុង​កម្មវិធី​បាល់ទាត់​ពិភពលោក​ដំបូង​គេ ប្រទេស​អឺរ៉ុប​មិន​បាន​ឈ្នះ​ពាន​ទេ ដោយ​ប្រទេស​អ៊ុយរុយហ្គាយ​ ដែល​ជា​ម្ចាស់​ផ្ទះ​លើក​ពាន ក្រោយ​យក​ឈ្នះ​អាហ្សង់ទីន។

    គេ​រង់​ចាំ​មិន​យូរ​ទេ ក្នុង​ការ​ឃើញ​ប្រទេស​អឺរ៉ុប​លើក​ពាន​លំដាប់​ពិភពលោក​មួយ​នេះ។ ក្រុម​ជម្រើស​ជាតិ​អឺរ៉ុប​បាន​ក្លាយ​ជា​ជើង​ឯក​ពាន​នេះ​នៅ​ក្នុង​លើក​ទី​២ នៃ​ព្រឹត្តិការណ៍​នេះ ក្នុង​ឆ្នាំ១៩៣៤។

    ក្រុម​ជម្រើស​ជាតិ​អឺរ៉ុប​ ដែល​ឈ្នះ World Cup មុន​គេ​គឺ ក្រុម​ជម្រើស​ជាតិ​អ៊ីតាលី ដោយ​ឈ្នះ​ក្នុង​ដី​ខ្លួន​ឯង​ផ្ទាល់។ ក្នុង​ពេល​នោះ​ដែរ អ៊ីតាលី​បាន​យក​ឈ្នះ​ឆេកូស្លូវ៉ាគី ក្នុង​លទ្ធផល ២-១។

    ក្នុង​ប្រវត្តិសាស្ត្រ​ព្រឹត្តិការណ៍​នេះ ក្រុម​ជម្រើស​ជាតិ​អ៊ីតាលី​ឈ្នះ​ពាន​នេះ​ចំនួន ៤​ដង ដោយ​លើក​ចុងក្រោយ​នៅ​ឆ្នាំ២០០៦៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ