មហាជន​ប្លែកអារម្មណ៍ ខណៈ​កញ្ញា ប្រាសាទ ដាវីន គ្រងឈុត​អប្សរា

ភ្នំពេញៈ មហាជន​មិន​ត្រឹម​តែ​​ភ្ញាក់​ផ្អើល​ប៉ុណ្ណោះ​ទេ ថែម​ទាំង​យល់​ថា​ប្លែ​អារម្មណ៍​ទៀត​ផង ខណៈ​ឃើញ​អតីតតារាសម្ដែង និងជាតារាបង្ហាញម៉ូដល្បីឈ្មោះបោះសំឡេង កញ្ញា ប្រាសាទ ដាវីន ដែ​ល​បាត់​មុខ​ពី​សិល្បៈ​ជាង​១០​ឆ្នាំ និង​ធ្លាប់​តែ​បង្ហាញ​រូប​បែប​សិចស៊ី នោះ ងាក​មកគ្រង​ឈុត​ជា​នារី​ខ្មែរ​បែប​បុរាណ​ក្នុងឈុត​អប្សរា​នោះ។​

តារាស្រីរូបនេះ ហាក់នៅតែអាចរក្សាបាននូវសម្រស់ស្រស់ស្អាត និងទាក់ទាញ ភ្នែក​ទស្សនិក​ជន​ដដែល ជាពិសេសនោះ ដងខ្លួនដ៏ស្រឡូនរបស់នាង បាន​ទាក់ទាញ​ចិត្ត​ទស្សនិកជន មិន​តិច​នាក់នោះទេ ឲ្យសរសើរមិនដាច់ពីមាត់ មិន​ថា​ពេល​ស្លៀក​សម្លៀក​បំពាក់​សិចស៊ី ឬ​ឈុត​ប្រពៃណី​គឺនៅតែមាន​សម្រស​ស្រស់​ស្អាត​លេចធ្លោដដែល។

ពិតជា​ប្លែក​អារម្មណ៍ ខណៈ​ថ្មីៗនេះ ស្រាប់តែរំលេចសម្រស់ ជាមួយសម្លៀក​បំពាក់ អប្សរា​វិញម្ដង ឃើញថារូបសម្រស់របស់នាងកាន់តែ ស្រស់ស្អាតសមសួន ប្រៀបដូចជារូបគំនូរ ដែល​គេបានគូរយ៉ាងសម្រិតសម្រាំង ដោយវិចិត្រករដៃឯកយ៉ាងដូច្នេះផង​ដែរ។

ការបង្ហាញខ្លួនរបស់អតីតតារាម៉ូដែល និងជាតារាសម្ដែង ប្រាសាទ ដាវីន ក្នុងឈុតអប្សរា ពិតជា​រំលេចចេញឲ្យឃើញពីភាពស្រស់ស្អាត កាន់តែខ្លាំងរបស់នាង បង្ហាញ​ឲ្យឃើ​ញ​ពីភាព​ទន់ភ្លន់​ តែរឹងមាំរបស់នារីអប្សរា និងកំពុងទទួលបានការកោតសរសើរ ពីសំណាក់​ប្រិយមិត្ត​ទស្សនិក​ជន ព្រោះតែរូបសម្រស់ដ៏ស្រស់ស្អាតផូរផង់ពីធម្មជាតិ សមជាមួយ​នឹងដងខ្លួន​ដ៏ស្រឡូន​ និងសម្បុរស្រអែម ពិតជាទាក់ទាញភ្នែកទស្សនិកជន ពិសេសកន្លង់ៗ ឲ្យ​ជាប់ចិត្ត​ដិតអារម្មណ៍ នឹងសម្រស់ស្រីស្អាត ប្រាសាទ ដាវីន។​

គួររំឭកថា តារារូបនេះ សឹងតែត្រូវបានទស្សនិកជនភ្លេចមុខបាត់ទៅហើយ ដោយ​សារតែ​បាន​ភៀស​ខ្លួន ​ទៅរស់នៅប្រទេសអូស្រ្ដាលី បន្ទាប់ពីមានជនអនាមិក បាន​គំរាម​យក​គ្រាប់​បែក​ទៅ​ដាក់​ក្នុងផ្ទះនាង កាលដែលនាងចេញទៅសម្ដែង​នៅប្រទេសបារាំង។

ប៉ុន្ដែកាលពីឆ្នាំ២០១៦ កន្លងទៅនេះ គេក៏ឃើញ ប្រាសាទ ដេវីន មានវត្តមានក្នុងវិស័យសិល្បៈ ខ្មែរ​ឡើងវិញ។ បច្ចុប្បន្នតារាស្រីរូបនេះ ហាក់បង្ហាញវត្តមានម្តងម្កាលក្នុងវិស័យសិល្បៈ តាម​រយៈ​ថតស្ពតសំអាងការ និងកម្មវិធីសិល្បៈតូចធំនានា ជាដើម៕

ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

ព័ត៌មានទាក់ទង៖

  • ព័ត៌មានថ្មីៗ