• ជ្រូកនៅឃុំកំពង់ចំលង ស្រុកខ្សាច់កណ្តាល ងាប់ជាបន្ដបន្ទាប់សង្ស័យឆ្លងជំងឺប៉េស្តជ្រូកអាហ្វ្រិក

    (កណ្ដាល)៖ លោក ប៊ុន ផេង អភិបាលស្រុកខ្សាច់កណ្តាល នៅថ្ងៃទី១២ ខែកក្កដា ឆ្នាំ២០១៩នេះ បានចុះពិនិត្យបន្ទាន់ លើករណីជ្រូកស្លាប់ជាបន្តបន្ទាប់ តាំងពីថ្ងៃ១០-១១ ខែកក្កដា ឆ្នាំ២០១៩ ដែលមន្ត្រីកសិកម្មស្រុកថាងាប់ដោយសារជំងឺប៉េសជ្រូកអាហ្វ្រិក សរុបចំនួន៥៩ក្បាល នៅឃុំកំពង់ចំលង ស្រុកខ្សាច់កណ្តាល ខេត្តកណ្ដាល។

    ក្នុងឱកាសនោះ មានការចូលរួមធ្វើតេស្ត ពីជំនាញខាងបសុពេទ្យ ថ្នាក់ខេត្ត និងស្រុក ក្នុងនោះមាន២គ្រួសារ ឈ្មោះ កុក វុទ្ធី ចំនួន៤៩ក្បាល និងគ្រួសារ ពៅ ពេជ្រ ចំនួន១០ក្បាល។ មន្រ្តីជំនាញ កសិកម្មស្រុក និងខេត្ត ក៏បានជួយសំអាត និងបាញ់ថ្នាំសំលាប់មេរោគ DEXID-200 ដើម្បីសំលាប់មេរោគ នៅទីតាំងចិញ្ចឹមជ្រូកលក្ខណៈគ្រួសារនេះ។

    ជាមួយគ្នានោះ លោកអភិបាលស្រុក និងមន្រ្តីជំនាញ បានផ្តាំផ្ញើដល់អាជ្ញាធរភូមិឃុំ និងប្រជាពលរដ្ឋ ហាមដាច់ខាតយកជ្រូកស្លាប់ ទៅធ្វើម្ហូប ឫលក់ចេញទៅទីផ្សារជាដាច់ខាត និងត្រូវកប់ឲ្យមានសុវត្ថិភាពខ្ពស់ផងដែរ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ