• NASA ថតបានទិដ្ឋភាពភ្នំភ្លើងផ្ទុះ ពីផ្កាយរណបនៅលើទីអវកាស

    (អាមេរិក)៖ ទីភ្នាក់ងារអវកាសអាមេរិក NASA ទើបតែបានបញ្ចេញរូបភាពថ្មីៗ ដែលថតបានពីស្ថានីយអវកាសអន្តរជាតិ ISS និង ផ្កាយរណបមួយចំនួនទៀត បង្ហាញឲ្យឃើញនូវទិដ្ឋភាពក្រោយបន្ទុះភ្នំភ្លើងឈ្មោះថា Raikoke ដែលនៅភាគពាយ័ព្យមហាសមុទ្រ ប៉ាស៊ីហ្វិក។ នេះបើតាមការដកស្រង់ការផ្សាយចេញពីសារព័ត៌មានរុស្ស៊ី Sputnik នៅយប់ថ្ងៃព្រហស្បតិ៍ ទី២៧ ខែមិថុនា ឆ្នាំ២០១៩។

    បើនិយាយឲ្យចំទៅភ្នំភ្លើងខាងលើមានទីតាំងស្ថិតនៅកណ្តាលទីប្រជុំកោះ Kuril ដែលនៅចន្លោះប្រទេសរុស្ស៊ីនិងជប៉ុន ក្នុងសមុទ្រ Okhotsk ខណៈឈ្មោះរបស់វា គឺបានមកពីក្រុមភាសាហៅថា Ainu ដែលដំបូងឡើយត្រូវបានប្រើប្រាស់នៅកោះហុកកៃដូ ប្រទេស ជប៉ុន និងមាន ន័យថា «មាត់នរក ឬក៏ច្រកទ្វារឋាននរក»។

    គួរជម្រាបថា កាលពីសប្តាហ៍មុន ភ្នំភ្លើង Raikoke បានផ្ទុះឡើងជាលើកដំបូង ដោយបញ្ចេញផ្សែងយ៉ាងធំសម្បើមចេញពីមាត់វា ខណៈពុំមានមនុស្សរស់នៅតំបន់នោះឡើយ។ នេះគឺជាការបញ្ចេញសកម្មភាពលើកដំបូងរបស់ភ្នំភ្លើង Raikoke ដោយគិតចាប់តាំងពីឆ្នាំ១៩២៤មក។ មុនឆ្នាំ១៩២៤ ភ្នំភ្លើងចំណាស់ នេះក៏ធ្លាប់បានផ្ទុះម្តងដែរ គឺនៅឆ្នាំ១៧៧៨។

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ