• ឥណ្ឌាឡើងសីតុណ្ហភាពក្តៅខ្លាំង បណ្តាលឲ្យមនុស្សស្លាប់សរុប៣៦នាក់

    (ញូដេលី)៖ ជាមួយសីតុណ្ហភាពកើនឡើងរហូតដល់៥០អង្សាសេ មនុស្សសរុប៣៦នាក់ហើយ បានបាត់បង់ជិវិតនៅ​ប្រទេសឥណ្ឌា គិតចាប់តាំងពីរលកកម្តៅបានចាប់ផ្តើមកាលពីខែឧសភាមក។ នេះបើតាមការដកស្រង់ការផ្សាយចេញពីសារព័ត៌មានចិន CGTN នៅរសៀល​ថ្ងៃ​អាទិត្យ ទី១៦ ខែមិថុនា ឆ្នាំ២០១៩។

    បើតាមរដ្ឋាភិបាលឥណ្ឌា ការមិនទាន់មកដល់នៃទឹកភ្លៀងរដូវវស្សា នឹងត្រូវបង្ខំឲ្យប្រជាជនឥណ្ឌាស៊ូទ្រាំជាមួយ​កម្តៅ​ដ៏ខ្លាំង​ក្លានេះ​​យូរ​បន្ត​ទៀត ខណៈរលកកម្តៅនៅក្នុងប្រទេសឥណ្ឌា បានបន្តមានសភាពធ្ងន់ធ្ងរទៅៗ ដោយសារបញ្ហាបម្រែបម្រួលអាកាសធាតុ ហើយជាលទ្ធផលមនុស្សរាប់ពាន់នាក់មកហើយ បានបាត់បង់ជីវិត ដោយសារស៊ូទ្រាំនឹងសីតុណ្ហភាពមិនបាន។

    គួរជម្រាបថា ឆ្នាំនេះ ការកើនឡើងកម្តៅអាកាសធាតុ បានគ្របដណ្តប់លើរដ្ឋជាច្រើន ដែលស្ថិតនៅភាគកណ្តាល និងភាគខាង​ជើងនៃប្រទេសឥណ្ឌា ហើយរដ្ឋដែលរងឥទ្ធិពលខ្លាំងជាងគេ រួមមាន Madhya Pradesh, Maharashtra, Rajasthan និង Uttar Pradesh៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ