• ឡានដឹកឥដ្ឋបុកម៉ូតូកង់បី២គ្រឿង បណ្ដាលឲ្យស្លាប់២នាក់ និងរបួស៣នាក់ នៅសង្កាត់លេខ២ ក្រុងព្រះសីហនុ

    (ព្រះសីហនុ)៖ រថយន្ដដឹកឥដ្ឋមួយគ្រឿង បុកជាមួយម៉ូតូកង់បី២គ្រឿង នៅព្រឹកថ្ងៃទី០៧ ខែមិថុនា ឆ្នាំ២០១៩នេះ នៅចំណុចផ្លូវចំណោទចុះពីវត្តលើ ស្ថិតក្នុងភូមិ២ សង្កាត់លេខ២ ក្រុងព្រះសីហនុ បណ្ដាលឲ្យមនុស្ស២នាក់ស្លាប់ និងរបួស៣នាក់។

    របាយការណ៍របស់ស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ បានបញ្ជាក់ថា ករណីគ្រោះថ្នាក់នេះ បង្កដោយរថយន្តដឹកឥដ្ឋ មួយគ្រឿងម៉ាក HYUNDAI ពណ៌ស ពាក់ផ្លាកលេខព្រះសីហនុ3A-5813 អ្នកបើកបរឈ្មោះ ស៊ុ ថា អាយុ៣៧ឆ្នាំ មានទីលំនៅភូមិត្រពាំងបី ឃុំតាកែន ស្រុកឈូក ខេត្តកំពត រួមដំណើរម្នាក់ មិនស្គាល់អត្តសញ្ញាណ មានទិសដៅពីជើង ឆ្ពោះទៅត្បួង លុះមកដល់ចំណុចកើតហេតុ ស្ថានភាពផ្លូវចុះចំណោទ រថយន្តជាន់ហ្រ្វាំងមិនស៊ី បានជ្រុលទៅបុកនឹងម៉ូតូកង់បី ២គ្រឿង។

    ក្នុងហេតុការណ៍នេះ បណ្ដាលឲ្យស្លាប់មនុស្ស២នាក់ និងរងរបួសមនុស្ស៣នាក់ ទី១៖ឈ្មោះ ស៊ុ ថា អ្នកបើកបររថយន្តបង្ក ស្លាប់នៅនឹងកន្លែងកើតហេតុ, ទី២៖អ្នករួមដំណើរនៅលើរថយន្តបង្ក មិនស្គាល់អត្តសញ្ញាណ ភេទប្រុស ស្លាប់នៅនឹងកន្លែងកើតហេតុ, ទី៣៖ឈ្មោះ ប៉េង សុង ភេទប្រុស អ្នករួមដំណើរនៅលើម៉ូតូកង់បី រងរបួសស្រាល, ទី៤៖ឈ្មោះ ចិន ធីនី ភេទស្រី អ្នករួមដំណើរនៅលើម៉ូតូកង់បីរងរបួសធ្ងន់ និងទី៥៖ឈ្មោះ សុង ប៉េងហួត ភេទប្រុស អ្នករួមដំណើរនៅលើម៉ូតូកង់បី រងរបួសស្រាល។

    បច្ចុប្បន្នសាកសពត្រូវបានក្រុមគ្រួសារកំពុងរៀបចំយកទៅធ្វើបុណ្យតាមប្រពៃណី រីឯវត្ថុតាងរថយន្ត១គ្រឿង និងម៉ូតូកង់បី២គ្រឿង សមត្ថកិច្ចជំនាញកំពុងចាត់ចែងស្ទូចយកទៅ រក្សារទុកនៅការិយាល័យចរាចរណ៍ផ្លូវគោកបន្តតាមនីតិវិធី៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ