ភ្នំពេញៈ ដោយសារតែទ្រាំនឹងសម្រស់ដ៏សិចស៊ី និងសាច់ខ្ចីញ៉េញ មិនចាញ់តារាសម្តែងនោះ ទើជំរុញចិត្តឲ្យបុរសជាតិបារាំង ដែលជាគូស្នេហ៍កញ្ញា ចោម ច័ន្ទ ដែលជាបងស្រីបង្កើតតារាសម្តែងសិចស៊ីកញ្ញ ចោម ក្វាន់ ហៅដេននី ក្វាន់ បាននាំនាងទៅឲ្យម្តាយបានឃើញ និងត្រៀមរៀបពិធីមង្គលការផងដែរ។
បើតាមប្រភពព័ត៌មានមួយឲ្យដឹងថា ដោយសារតែស្រឡាញ់ ចោម ច័ន្ទ ខ្លាំងពេកបុរសជនជាតិបារាំងបាននាំនាងទៅជួបអ្នកម្ដាយជាទីស្រឡាញ់ក្នុងគោលបំណងចង់ឲ្យកូនប្រសា និងអនាគតម្ដាយក្មេក បានស្គាល់ចិត្តថ្លើមគ្នា មុនដល់ថ្ងៃរៀបការ។ ចំពោះការនាំកញ្ញា ចោម ច័ន្ទ ទៅជួបអ្នកមានគុណនេះក្រោយពីកំលោះសង្ហាជនជាតិបារាំងបានស្រឡាញ់មើលចិត្តថ្លើមគ្នានឹងមិត្តស្រី ដែលត្រូវជាបងស្រី ដេននី ក្វាន់ អស់រយៈពេលជាច្រើនខែមកហើយ ពោលគឺឡុងដើមខែមករា ឆ្នាំ២០១៩។ មួយវិញទៀតស្របពេលអ្នកមានគុណមកលេងនៅប្រទេសកម្ពុជាផងនោះទើបបុរសជនជាតិបារាំងរូបនេះនាំនាងឲ្យទៅជួបអនាគតម្ដាយក្មេកតែម្ដងទៅ។ ប្រភពដដែលអះអាងថា ក្រោយពីបានជួប ចោម ច័ន្ទ ហើយនោះឃើញថា អនាគតម្ដាយក្មេកស្រឡាញ់ពេញចិត្តមកលើនាង យ៉ាងខ្លាំង ព្រមទាំងចង់ឲ្យរៀបការក្នុងពេលឆាប់នេះផងដែរ។
តែគួរឲ្យស្ដាយភ្លាមៗនោះនាង មិនទាន់បានយល់ព្រមនូវសំណើរចូលរោងជ័យឆាប់ៗនេះឡើយ ដោយសារតែចង់ទុកពេលវេលាមើលចិត្តថ្លើមគ្នាឲ្យបានយូរបន្ដិចសិន។ ទោះបីជា ចោម ច័ន្ទ ពន្យាពេលសុំមិនទាន់រៀបការភ្លាមក្ដី ក៏បុរសជនជាតិបារាំង ដែលជាគូស្នេហ៍មិនបានខឹងនាង នោះដែរឲ្យតែបងស្រី ដេនី ក្វាន់ រូបនេះព្រមស្រឡាញ់ឲ្យចាំដល់ពេលណាក៏គ្មានបញ្ហាដែរ។
បើតាមដឹងពីប្រភពដដែល បុរសជនជាតិបារាំង ដែលល្បីថាគូស្នេហ៍ថ្មីកញ្ញា ចោម ច័ន្ទ គឺជាអ្នកជំនួញម្នាក់មានប្រាក់វាល់លាន និងមានក្រុមហ៊ុនច្រើននៅក្នុងដៃទាំងនៅកម្ពុជា និងក្រៅប្រទេស។ ពាក់ព័ន្ធរឿងរ៉ាវស្នេហានេះដែរកញ្ញា ចោម ច័ន្ទ មិនអាចសុំការបកស្រាយបានទេ ដោយទូរស័ព្ទរបស់នាង មិនអាចភ្ជាប់ទំនាក់ទំនងបាននោះឡើយ៕
