ក្រោយពីពន្យារពេលអស់ជាច្រើនខែរួចមក នៅពេលនេះម៉ូតូ Honda Zoomer-X ស៊េរីឆ្នាំ ២០១៩ បានចេញមុខជាផ្លូវការហើយ នៅពាក់កណ្ដាលខែឧសភានេះ។
Zoomer-X ស៊េរីថ្មីនៅតែមិនមានការផ្លាស់ប្ដូររូបរាងខុសពីស៊េរីមុនៗ ប៉ុន្តែមានការផ្លាស់ប្ដូរត្រង់រចនាបថតែម និង ការរចនាពណ៌ផងដែរ។ ម៉ូតូថ្មីនេះ មានជម្រើសពណ៌ចំនួនបួន រួមមានពណ៌ខ្មៅសុទ្ធ ពណ៌ក្រហមលាយខ្មៅ (ប្រើកង់មុខពណ៌ខ្មៅ) ពណ៌លឿងលាយថ្មី និងពណ៌លាយខ្មៅ (ប្រើកង់មុខពណ៌ស)។
លក្ខណៈសម្បត្តិម៉ាស៊ីនក៏មិនប្រែប្រួលដែរ ពោលប្រើប្រាស់ម៉ាស៊ីន ១១០ សេសេ ដែលមានបំពាក់ដោយបច្ចេកវិទ្យាជំនាន់ចុងក្រោយរបស់ Honda សន្សំសំចៃប្រេង, មានសំឡេងស្ងាត់ និងប្រើធន់។ Zoomer-X ស៊េរីថ្មីនេះបានកំណត់តម្លៃលក់នៅប្រទេសថៃ ខ្ទង់ប្រមាណ ៥៥ ៧០០ បាត ដែលស្មើប្រមាណ ១ ៧៦០ ដុល្លារ៕
