កាលពីពេលថ្មីៗនេះ នារីលក់ឡេម្នាក់បង្ហាញអារម្មណ៍ខកចិត្តនិងតូចចិត្តជាខ្លាំង រហូតអង្គុយសម្រក់ទឹកភ្នែក ក្រោយត្រូវបុរសម្នាក់សួរតំលៃខ្លួននាងគ្មានសំចៃមាត់ ដោយគ្រាន់តែនាងស្លៀកពាក់សិចស៊ីដើម្បីលក់ផលិតផលអនឡាញចិញ្ចឹមកូនកំព្រាឪពុក។
ក្រោយពីមានករណីបុរសម្នាក់សួរតំលៃខ្លួន នាងបានសរសេររៀបរាប់ទាំងក្តីឈឺចាប់ពីដំណើរជីវិតដ៏ជូរចត់ស្ទើរស្រក់ទឹកភ្នែកទៅក្នុងបណ្ដាញសង្គមហ្វេសប៊ុកតាមរយៈគណនីផ្ទាល់ខ្លួនឈ្មោះ អូន ឆវី ថា៖
«មួយជីវិតខ្ញុំគឺជួបរឿងអយុត្តិធម៌លើសលប់ពេកហើយ ខ្ញុំជាអតីតក្មេងសំណង់អនាធិបតេយ្យ ត្រូវគេរឹបអូសបណ្តេញចេញពីផ្ទះសំបែង កំព្រាឪពុកម្តាយ ប៉ាជាអតីតទាហានខំតស៊ូ តែចុងក្រោយបានត្រឹមតែស្លាប់។ ម្តាយខំតស៊ូឲ្យកូនរៀនបានចប់បាក់ឌុប មិនមានលុយរៀនតបានត្រឹមតែឈប់។ ទៅសម្ភាសន៍ការងារកន្លែងមួយ បានត្រឹមតែអ្នកគិតលុយក្នុងហាងមួយក៏រើសខ្សែ និយមបក្សពួកមិនមែនយកសមត្ថភាពត្រូវសម្ភាសន៍ធ្លាក់។
ជីវិតតែលតោលគ្មានជម្រើស ពេលខ្លះក៏បាក់ទឹកចិត្ត តែមិននិយាយដើម្បីព្យាបាលជំងឺម្តាយនិងជីវភាព ខ្ញុំក៏លះបង់កិត្តិយសខ្លួនឯងដើម្បីលុយ ក្រោយមកម្ដាយក៏ស្លាប់។ ពេលនេះខ្ញុំបានសាងកិត្តិយសមកវិញ ខ្ញុំគ្រាន់តែលក់ផលិតផលដើម្បីលុយចិញ្ចឹមកូនស្រីដែលកម្សត់មិនមានឪពុកទទួលខុស ត្រូវបែរជានាំគ្នាផ្ចាញ់ផ្ចាលខ្ញុំទៅវិញ កំណាចឃោរឃៅណាស់ គួរតែគិតផង គាំទ្រឲ្យមនុស្សកុំធ្វើអំពើអាក្រក់ កុំនាំគ្នាទៅឆក់ប្លន់ពេស្យាចារ មែនហើយភាពសិចស៊ីខ្ញុំបន្តិចមែនហើយ មានតែខ្ញុំមែន? ដែលអីចឹង ចុះនៅក្រៅគេស្លៀកជាងហ្នឹងមិននិយាយ ហើយបើចង់រិះគន់ម្តេចមកសួរតំលៃខ្លួនខ្ញុំ?។
នៅខាងក្រៅខ្ញុំហ្នឹងហើយខ្លាចសុិចស៊ីបំផុតមិនហ៊ានសូម្បីស្លៀកខ្លីលើជង្គង់ហើយបើសក់វិញខ្មៅក្រឹបត្រឹមចង្កេះមិនដែលមានហាយឡាយពណ៌ឡើយតែដោយសារផលប្រយោជន៍រកសុីលក់ផលិតផលបើមិនមានភាពទាក់ទាញគឺគ្មានឡើយសូម្បី like សូមកុំវាយតំលៃមនុស្សស្រីដែលសុិចសុីរូបរាងខាងក្រៅ មនុស្សម្នាក់ៗសុទ្ធតែមានការចូលចិត្តផ្សេងៗគ្នា»៕
(អត្ថបទ៖និស្ស័យ)
