• ភ្លៀងនឹងចាប់ផ្តើមធ្លាក់ ហើយកម្តៅនឹងចុះខ្សោយវិញជាបណ្តើៗ​ ចាប់ពីថ្ងៃនេះ ដល់ថ្ងៃទី១២​ ខែឧសភា

    (ភ្នំពេញ)៖ ក្រសួងធនធានទឹក និងឧតុនិយម បានអំពាវនាវឱ្យប្រជាពលរដ្ឋទាំងអស់ មានការប្រុងប្រយ័ត្នចំពោះ បាតុភូតផ្គរ រន្ទះ និងខ្យល់កន្ត្រាក់ ខណៈភ្លៀងធ្លាក់ នៅសប្តាហ៍ទី៣ ក្នុងខែឧសភានេះ។ នេះបើតាមសេចក្តីជូនដំណឹងរបស់ក្រសួងធនធានទឹក ដែលបណ្តាញព័ត៌មានទទួលបាន។

    ក្រសួងធនធានទឹកបានបញ្ជាក់ថា បន្ទាប់ពីការតាមដានលើការវិវត្តអាកាសធាតុជាប្រចាំបង្ហាញឲ្យឃើញថា កម្ពុជានៅតែបន្តស្ថិតក្នុងដំណាក់កាលអន្តរកាលឆ្លងពីរដូវប្រាំងចូលរដូវវស្សា។ ជ្រលងសម្ពាធទាបបានអូសបន្លាយលើកម្ពុជា ទន្ទឹមនឹងចលនាខ្យល់បានប្តូរទិសមករកភាពវិជ្ជមាន។

    ក្រសួងបញ្ជាក់ថា៖ ផ្អែកលើស្ថានភាពបែបនេះ នឹងធ្វើឲ្យកម្ពុជា៖

    * មានភ្លៀងធ្លាក់ជាបន្តបន្ទាប់ក្នុងកម្រិតពីខ្សោយទៅបង្គួរ។ តែអាចកន្លែងខ្លះមានភ្លៀងច្រើន។ ឯភាពរាយប៉ាយមិនទាន់បានល្អប្រសើរនៅឡើយទន្ទឹមនោះ បាតុភូតផ្គរ រន្ទះ និងខ្យល់កន្ត្រាក់នៅតែបន្តជាការគំរាមកំហែងដដែល។

    * ស៊ីតណ្ហភាពអតិបរិមាជាមធ្យម មានពី ៣៤ – ៣ ៧ °c ។

    * មកដល់ពេលនេះ កាន់តែបង្ហាញឲ្យឃើញថា រដូវវស្សានឹងឈានចូលមកដល់នៅដើមសប្តាហ៍ទី៣ នៃខែឧសភាខាងមុខនេះ៕

    ខាងក្រោមនេះជាសេចក្តីជូនដំណឹងរបស់ក្រសួងធនធានទឹក៖

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ