ភ្នំពេញ៖ កម្លាំងនគរបាលរាជធានីភ្នំពេញដឹកនាំដោយលោកឯកឧត្តម ឧមត្តមសេនីយ៍ ស ថេត ស្នងការនគរបាលរាជធានីបានដឹកនាំកម្លាំងចំរុះចុះបង្ក្រាបទីតាំងក្លឹបកម្សាន្តយីហោ ម៉ៃ អាមី ដែលមានទីតាំងនៅតាមបណ្តោយផ្លូវ៣៦០ ស្ថិតក្នុងសង្កាត់បឹងកេងកងទី១ ខណ្ឌចំការមន កាលពីវេលាម៉ោង២រំលងអាធ្រាត្រឈានចូលថ្ងៃទី១១ ខែមេសាឆ្នាំ២០១៩ ដោយពាក់ព័ន្ធការជួញដូរនិងប្រេីប្រាស់គ្រឿងញៀន។
ទីតាំងខាងលេីកម្លាំងអាជ្ញាអរបានចុះមកធ្វេីការហាមឃាត់ចំនួន៣ដងមកហេីយ ថែមទាំងបិតលែងឲ្យដំណេីរការទៀតផងតែមិនបានយូប៉ុន្មាន ក៏បេីកវិញរហូតមកដល់ យប់ឈានចូលថ្ងៃ១១ខែមេសានេះ ទេីបកម្លាំងស្នងការនគរបាលរាជធានីភ្នំពេញ ដឹកនាំដោយឯកឧត្តម ឧត្តមសេនីយ៍ឯក ស ថេត ស្នងការរាជធានីភ្នំពេញ ចុះបង្ក្រាបនិងឃាត់ខ្លួនជាច្រេីននាក់ រួមទាំងថ្នាំញៀនជាច្រេីនផងដែរ។
បេីតាមការបង្ហេីបពីសមត្ថកិច្ចបានឲ្យដឹងថា ក្នុងការបង្ក្រាបទីតាំងខាងលេីនេះឃាត់មនុស្សប្រុសស្រីជាង៣០នាក់ (ចំណែកឯវត្ថុតាងផ្សេងៗមិនទាន់ទទួលបានតួលេខច្បាស់លាស់នៅឡេីយ)។
ពាក់ព័ន្ធនិងករណីខាងលេីនេះ កម្លាំងសមត្ថកិច្ចមិនអនុញ្ញាតអោយក្រុុមអ្នកសារព័ត៌មាន ចូលនោះទេ។ បច្ចុប្បន្នជនប្រុសស្រីខាងលេីត្រូវបានឃាត់ខ្លួន នាំឡេីងលេីរថយន្ត កាំម៉ាស ដេីម្បីបញ្ជូនទៅស្នងការនគរបាលរាជធានីធានីភ្នំពេញ ដេីម្បីសាកសួរ និងត្រួតពិនិត្យបន្តតាមនិតីវិធី៕
