មន្ត្រីគយនៅព្រលានយន្ដហោះអន្ដរជាតិហុងកុង បានធ្វើការចាប់ស្នែងរមាសទម្ងន់ ៨២,៥គីឡូក្រាមដែលជាចំនួនច្រើនបំផុតមិនធ្លាប់មានក្នុងរយៈពេល ៥ឆ្នាំនៃការជួញដូរសត្វព្រៃ។
នៅក្នុងសេចក្ដីថ្លែងការណ៍របស់មន្ត្រីគយកាលពីថ្ងៃសៅរ៍ឲ្យដឹងថា ស្នែងរមាសទាំងនេះត្រូវចាប់បានមួយថ្ងៃមុនពេលដែលត្រូវដឹកជញ្ជូនចេញដោយឈ្មួញក្លែងបន្លំថាជាគ្រឿងបន្លាស់រថយន្ដ។ ប៉ុន្តែដោយមានការសង្ស័យ មន្ត្រីបានប្រើប្រាស់កាំរស្មី X ដើម្បីស្កែននិងរកឃើញស្នែងរមាសតែម្ដង។ ការដឹកជញ្ជូននេះ ត្រូវនាំចេញដំបូងពីប្រទេសអាហ្វ្រិកខាងត្បូងក្នុងគោលបំណងដឹកទៅកាន់ប្រទេសម៉ាឡេស៊ី។ តាមការប៉ាន់ស្មានបង្ហាញថា ស្នែងទាំងនេះមានតម្លៃប្រមាណជា ២,១ លានដុល្លារអាមេរិក។
គួរឲ្យដឹងថា នេះជាការចាប់បានស្នែងរមាសធំបំផុតលើទី២ ហើយដោយកាលពីប៉ុន្មានខែមុនមន្ត្រីគយក៏ចាប់បានស្នែងរមាសប្រហែល ៤០គីឡូក្រាមផងដឹកជញ្ជូនពីប្រទេសអាហ្វ្រិកខាងត្បូងក្នុងគោលបំណងទៅកាន់ប្រទេសវៀតណាមផងដែរ៕
