កាលពីពេលថ្មីៗនេះមានការចែករំលែកពេញបណ្តាញសង្គមនូវវីដេអូមួយដែលបង្ហាញពីសកម្មភាព អ្នកបើករ៉ឺម៉កកង់បី បានបោះសម្រាមចោលនៅតាមទីសាធារណៈដែលជាទង្វើមួយអសីលធម៍ អ្វីដែលគួរឲ្យភ្ញាក់ផ្អើលនោះក្រោយពេលដែល អ្នកបើកកង់បី បានបោះសំបកកំប៉ុងចោល ក៏មានជនបរទេសមួយរូបដែលបានឈប់រង់ចាំស្តុប ចុះពីលើម៉ូតូរួចបានរើសសំបកកំប៉ុងកាន់នឹងដៃជាប់ ហើយក៏សម្លឹងមើលទៅអ្នកបើកកង់បី។

នេះមិនមែនជាករណីថ្មីនោះទេ កាលពីមុនក៏ឃើញមានជនបរទេសមានទាំងជប៉ុន បារាំង បានដើរប្រមូលសំរាមនៅតាមទីសាធារណៈផងដែរ។ សូមបងប្អូនខ្មែរយើងមានការភ្ញាក់រលឹក ឈប់បោះចោលសំរាបផ្តេសផ្តាស និងជួយសំអាតបរិស្ថាន អាស្រ័យហេតុនេះសុំបងប្អូនមេត្តាជួយសំអាត និងទុកដាក់សំរាមទាំងអស់គ្នា៕

ប្រភព​ Khmernote