មុននេះបន្តិចមានរឿងភ្ញាក់ផ្អើលមួយទៀត នៅរោងបុណ្យសពប្អូនស្រី ឌុំ រីដា ដែលត្រូវបានអ្នកបើកបររថយន្ត Range Rover បុកស្លាប់កាលពីម្សិលមិញនោះ ដោយលោក ផែង វណ្ណៈ បាននាំថវិការ $5000 របស់ជនបង្ក មកចូលបុណ្យសពប្អូនស្រី ទាំងដែលជនបង្ករូបនោះមិនទាន់បង្ហាញអត្តសញ្ញាណនៅឡើយ។ លោក ផែង វណ្ណៈ បានរៀបរាប់ទៅកាន់ក្រុមគ្រួសាររងគ្រោះថា ថវិការ $5000 នេះមិនមែនជាសំណងឡើយ គឺជាការចូលបុណ្យរំលែកទុក្ខតែប៉ុណ្ណោះ ហើយពេលរៀបចំពិធីបុណ្យចប់សព្វគ្រប់នោះ នឹងធ្វើការដោះស្រាយរកយុត្តិធម៌ជាបន្តទៀត។

ម្ចាស់គណនី Bros Dy បានរៀបរាប់ថា “ព្រឹកនេះលោកពូ Pheng Vannak News តំណាឲ្យជនបង្កគ្រោះថ្នាក់ បានមកសួរសុខទុក្ខ និងបានសន្យាថានឹងជួយរកយុត្តិធម៍អោយគ្រួសារសព ហើយលោកពូបានពាំនាំថវិកាចំនួន 5,000$ ដើម្បីចូលរួមពិធីបុណ្យសព របស់ជនរងគ្រោះ ឈ្មោះ ឌុំ រីដា ជានិស្សិតស្រី ឆ្នាំទី៤ នៅសាកលវិទ្យាល័យ ផារ៉ាហ្គន…។”