បេឡាជាតិរបបសន្តិសុខសង្គម(ប.ស.ស)មិនផ្តល់ជូនការធានារ៉ាប់រងដល់សមាជិករបស់ខ្លួនចំពោះសេវាឬការព្យាបាលចំនួន១៤ប្រភេទ ប៉ុន្តែផ្តល់ជូនតែករណីសង្គ្រោះបន្ទាន់ប៉ុណ្ណោះ។
លោកស្រី តេង ថាវឌី បុគ្គលិកសាខាបេឡាជាតិរបបសន្តិសុខសង្គមខេត្តកំពត បានអោយដឹងនៅដើមខែមីនានេះថា សេវាឬការព្យាបាលដែលប.ស.សមិនរាប់បញ្ជូលរួមមាន៖
1.ការព្យាបាលដោយឥតគិតថ្លៃក្នុងគោលនយោបាយសុខាភិបាលជាតិ(ជំងឺរបេង,អេដស៍…)
2.ការពិនិត្យសុខភាពទូទៅ
3.ការថែទាំធ្មេញ
4.សេវាប្តូរភេទ
5.ការព្យាបាលឬវះកាត់កែសម្ផស្ស ឬកែលម្អផ្នែកណាមួយនៃរាងកាយ
6.សេវាបង្កកំណើតសិប្បនិម្មិត
7.ការព្យាបាលអសមត្ថភាពផ្តល់កំណើត
8.ការផ្សាំឬប្តូរសរីរាង្គផ្សេៗ
9.ការព្យាបាលដោយខ្លួនឯង
10.ឧបករណ៍ជំនួយភ្នែកសិប្បនិម្មិត
11.ការព្យាបាលញៀនសុរាឬការផ្តាច់គ្រឿងញៀន
12.ការវះកាត់ដាក់គ្រាប់ភ្នែកសិប្បនិម្មិត
13.ការវះកាត់បេះដូងឬសរសៃបេះដូង
14.ការលាងឈាម
ប្រភព៖ pdikampot
