កំពង់ចាម៖ ហេតុការណ៍នេះបានកើតឡើងនៅវេលាម៉ោង៦៖២០នាទីថ្ងៃទី៤ ខែមីនា ឆ្នាំ២០១៩នៅភូមិបែកអន្លូង ឃុំអារក្សត្នោត ស្រុកស្ទឹងត្រង់ខេត្តកំពង់ចាម ។
តាមប្រភពលោកអធិការនគរបាលស្រុកស្រុកស្ទឹងត្រង់បានអោយដឹងថា៖ នៅ វេលាម៉ោង៦និង៣០នាទី លោកបានទទួលព័ត៌មាន ពីលោកអធិការនគរបាលស្រុកព្រៃឈរ តាមរយៈទូរស័ព្ទថា នៅវេលាម៉ោង៦៖២០នាទីព្រឹកថ្ងៃទី៤ ខែមីនា ឆ្នាំ២០១៩ មានឈ្មោះ មុត ឡេង ភេទប្រុស អាយុ២៩ឆ្នាំ ជនជាតិខ្មែរ មានទីលំនៅភូមិក្រសាំងពុល ឃុំមៀន ស្រុកព្រៃឈរ ខេត្តកំពង់ចាម ជាបុគ្គលិកធនាគារ ABA ស្រុកចំការលើ បានស្ទាក់ចាប់នារីឈ្មោះ វ.ល អាយុ២៥ឆ្នាំ ជនជាតិខ្មែរ មានទីលំនៅភូមិកន្លែងលិច ឃុំល្វាលើ ស្រុកចំការលើ ខេត្តកំពង់ចាម ជាបុគ្គលិកធនាគារ អេស៊ីលីដា ភូមិបែកអន្លូង ឃុំអារក្សត្នោត ស្រុកស្ទឹងត្រង់ ដែលបានជួលបន្ទប់ស្នាក់នៅក្នុងភូមិត្នោតតាសាយ ឃុំព្រែកក ក់ស្រុកស្ទឹងត្រង់ យកទៅវាយធ្វើបាប។
ក្រោយពីបានទទួលព័ត៌មាននេះភ្លាម លោក ប៉ាក ជាតិ អធិការនគរបាលស្រុកស្ទឹងត្រង់ បានដឹកនាំកម្លាំងសមត្ថកិច្ចនគរបាលស្រុកស្ទឹងត្រង់ ចុះស្រាវជ្រាវអង្កេត រហូតដល់បន្ទប់ជួលរបស់ជនរងគ្រោះ។
ជនរងគ្រោះបានរាយការណ៍ឲ្យដឹងថា ឈ្មោះ មុត ឡេង បានចាប់ខ្លួននៅតាមផ្លូវ បង្ខំឲ្យជិះម៉ូតូជាមួយ ឌុបយកចូលដល់ក្នុងបន្ទប់ជួល ហើយបានធ្វើសកម្មភាពទាត់ធាក់ជាច្រើនជើង និងច្របាច់កហើយយកកាំបិតចិតបន្លែគំរាមអារ.កទៀត និងបានបោកទូរស័ព្ទដៃរបស់ជនរងគ្រោះម៉ាកវីវ៉ូ បណ្តាលឲ្យខូចខាត១គ្រឿង។
សមត្ថកិច្ចក៏បានឃាត់ខ្លួនជនសង្ស័យ ឈ្មោះ មុត ឡេង ដើម្បីសាកសួរ និងចងក្រងសំណុំរឿងតាមនីតិវិធី។ ជនសង្ស័យខឹងដណ្តឹងនាងមិនបាន ហើយក៏ធ្លាប់គំរាមមិនឲ្យនាងជាជនរងគ្រោះ ទាក់ទងជាមួយបុរសផ្សេងទៀតឡើយ ៕
