នៅមុននេះបន្តិច ហ្វេសប៊ុកផេចរបស់សម្តេច ហ៊ុន សែន បានបង្ហោះសារដើម្បីបញ្ជាក់ថា លោកបានសម្រេចដកអភិបាលរងខេត្តព្រះសីហនុពីររូបចេញពីតំណែងហើយ!
លោកបានសរសេរថា៖ «ថ្ងៃនេះខ្ញុំបង្ខំចិត្តអនុវត្តន៍អភិក្រមទី៥គឺការ វះកាត់ដោយដកអភិបាលរងខេត្តព្រះសីហនុពីររូបចេញពីតំណែង។ ខ្ញុំត្រូវតែយកគ្រាប់គ្រួសនិងខ្សាច់ចេញពីស្បែកជើងទើបអាចដើរទៅមុខទៀតបាន។ ខ្ញុំគ្មានពេលនិយាយច្រើនជាមួយមន្ត្រីខឹលខូចទៀតទេព្រោះខ្ញុំបានអប់រំពួកគេច្រើនហើយ។ ដល់ពេលនេះខ្លាក៏ត្រូវវាយ ពស់ក៏ត្រូវវាយ កណ្តុរក៏ត្រូវវាយ រុយក៏ត្រូវវាយ អោយតែបំពានលើផលប្រយោជន៍ប្រជាជន៕»
លោកក៏បានបន្តនៅក្នុង comment ផងដែរថា៖ «សូមបញ្ជាក់ជូនថាខ្ញុំបានប្រើអំណាចខ្ញុំដើម្បីដកចេញពីតំណែងហើយ ឯការងារបន្តគឺជាភារកិច្ចរបស់អង្គភាពប្រឆាំងអំពើរពុករលួយនិងក្រសួងមហារផ្ទៃ។»
ប្រភព៖ Samdech Hun Sen, Cambodian Prime Minister
