• ចត​ឡាន​ចំ​កន្លែង​ដី​បាក់​ស្រុត ពេលទៅមើល ស្រាប់តែឃើញ​ផ្នូរ​បុរាណ​មួយ​គួរឲ្យភ្ញាក់ផ្អើល!

    កសិករ​ម្នាក់​នៅ​ប្រទេសក្រិក បាន​ចត​ឡាន​ចំ​កន្លែង​ដី​បាក់​ស្រុត ធ្លាយ​ចំ​ផ្នូរ​បុរាណ​មួយ​មាន​អាយុកាល ៣៤០០​ឆ្នាំ ។​

    ​សមត្ថកិច្ច​ប្រទេស​នេះ​ក៏​ទើប​ប្រកាស​ពី​ផ្នូរ​បុរាណ​ដែល​កសិករ​ម្នាក់​រស់​នៅ​ភាគ​អាគ្នេយ៍​កោះ Crete បាន​រកឃើញ​មាន​អាយុកាល​ដល់​ទៅ ៣៤០០​ឆ្នាំ ពោល​គឺ​ចន្លោះ​ឆ្នាំ ១៤០០-១២០០ មុន​គ្រិស្ត​រាជ អំឡុង​អារយ្យធម៌ Minoan ។​

    ​ប្រព័ន្ធ​ផ្សព្វផ្សាយ​ឲ្យដឹងថា ៖ ពិត​ជា​គួរឲ្យ​អស់សំណើច គ្រា​កសិករ​ដែល​គេ​មិន​បញ្ចេញ​ឈ្មោះ រូបនោះ​បាន​ប៉ង​ចត​រថយន្ត​នៅ​ក្រោម​ដើម​អូ​លីវ​ធំ​មួយ​ក្នុង​សួនឲ្យ​វា​ត្រជាក់ ក៏​ស្រាប់តែ​… ដី​បាក់​ស្រុតចុះ​តែម្តង ។ បន្ទាប់​ពី​ប្រឹងប្រែង​ទាញ​រថយន្ត​ឡើង ស្រាប់តែ​ឃើញ​…​ម្ឈូស​មួយចំនួន​ធ្វើ​អី​ពី​សេ​រ៉ា​មិក (Ceramic) ។​

    ​តាម​អ្នកជំនាញការ​នោះ​ចំណុច​បាក់​ស្រុត ជា​ច្រក​មួយ​ត្រូវបាន​គេ​បំបែក​ថ្មកំបោរ​ឆ្ពោះទៅ​កាន់​ផ្នូរ​ធំ​មួយ​ផ្សេង​ត្រូវបាន​រាំងខ្ទប់​ដោយ​ថ្ម ។ តាមពិត​ទៅ​មុន​នេះ ឧបករណ៍​ស្រោចស្រព​របស់​គាត់​បាន​ខូច ទឹក​ហូរ​ស្រោច​សព្វ​ជោគជាំ​ធ្វើឲ្យ​ដី​និង​ថ្មកំបោរ​វា​ទន់ជ្រាយ​ដើម​ងាយ​បាក់ស្រុត ។​

    ​មាន​ម្ឈូស​២​ក្នុងនោះ ដែល​មាន​អដ្ឋិធាតុ ២​ដែរ ។ ក្នុង​ម្ឈូស​នី​មួយៗ​មាន​ផ្ទុក​ឆ្នាំង ព្រមទាំង​គ្រឿងអលង្កា​ច្រើន​ពណ៌ ។ ផ្នូរ​នេះ​ស្ថិត​នៅ​ជ្រៅ​ពី​ផ្ទៃដី ២,៥ ម៉ែត្រ ។​

    ​ពេល​នេះ​អ្នកវិទ្យាសាស្ត្រ​កំពុង​ធ្វើ​ការស្រាវជ្រាវ ។ កសិករ​យើង​វិញ​ក៏​ទទួលបាន​ផល​ខ្លះ​ដែរ ពី​ការរកឃើញ​ដោយ​ចៃដន្យ​នេះ ៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ