(ថៃ)៖ ដូចដែរទស្សនិកជនបានដឹងរួចហើយថា តារាសម្តែងស្រីដ៏ល្បី អ្នកនាង Chompoo មានប្រជាប្រិយភាពជាខ្លាំង។ អ្វីដែលសំខាន់ តារារូបនេះ មានភាពស្រស់ស្អាត និងមើលទៅមានភាពរឹងមាំក្នុងនាមជាមនុស្រីទៀតផង។ តែតាមពិតទៅតារា ស្រីរូបនេះ កំពុងមានជំងឺបាក់ទឹកចិត្ត ខណៈដំណឹងនេះ ពិតជាធ្វើឱ្យអ្នកគាំទ្រមានការរន្ធត់ជាខ្លាំង។

ការលើកឡើង បែបនេះ បន្ទាប់ពីតារាស្រី Chompoo បានបង្ហើបប្រាប់អ្នកកាសែតកាលពីពេលថ្មីៗនេះថា «សព្វថ្ងៃនេះអ្នកនាងកំពុងតែមានជំងឺដ៏កាចសាហាវមួយ នៅក្នុងខ្លួន ដែលជំងឺនោះគឺជាជំងឺផ្លូវចិត្ត វាតែងតែធ្វើឱ្យអ្នកនាងគិតច្រើន រហូតគេងមិនលក់។ពិសេសនោះ គឺពេលខ្លះអ្នកនាង បែរជាអង្គុយយំម្នាក់ឯង ដូចជាមនុស្សឆ្គួតអញ្ចឹង ពិតជាគួរឲ្យបារម្ភខ្លាំងណាស់!»។

គួរបញ្ជាក់ផងដែរថា ជម្ងឺមួយនេះ បានកើតលើខ្លួនតារាស្រីរូបនេះ ចាប់តាំងពីពេលដែលអ្នកនាង មានផ្ទៃពោះមកម្ល៉េះ ហើយវាតែងតែធ្វើទុក្ខលើតារាស្រីរូបនេះជារឿយៗ៕