ស្ពានជ្រោយចង្វាត្រូវបានជួសជុលឡើងវិញ ដោយខាងជប៉ុនជាអ្នករ៉ាប់រងធ្វើវា អស់ជាច្រើនខែមកហើយ និងតាមគម្រោងត្រូវធ្វើរួចនៅចុងឆ្នាំ២០១៩ខាងមុខឯណោះ។
ប៉ុន្តែនៅថ្ងៃនេះ បើតាមលោកឈឹម ផល្លារ ប្រធាននាយកដ្ឋានផ្លូវថ្នល់នៃក្រសួងសាធារណៈការ និងដឹកជញ្ជូនបញ្ជាក់ថា ស្ពានជ្រោយចង្វាបច្បុបន្នជួសជុលបាន៩២%ហើយ ដោយអាចនឹងបញ្ចប់ការជួសជុលក្នុងពេលឆាប់ៗនេះ។ ការធ្វើឡើងជាងផែនការនេះដែរ ត្រូវបានបញ្ជាក់ថាដោយសារជប៉ុន មើលឃើញពីការកក់ស្ទះខ្លាំងពេកនៅពេលប្រើស្ពានតែមួយឆ្លងកាត់ដូច្នេះ ទើបបានជាវិស្វករជប៉ុនខំប្រឹងធ្វើការទាំងថ្ងៃទាំងយប់ ដើម្បីជួយសម្រួលឱ្យបានលឿន ដើម្បីកាត់បន្ថយការស្ទះចរាចរណ៍។
លោកឈឹម ផល្លាបានបន្តឲ្យដឹងទៀតថា ការជួសជុលឡើងវិញនូវស្ពាននេះ ត្រូវចំ ណាយអស់ថវិកាប្រមាណ៣០លានដុល្លារអាមេរិក ដែលជាថវិកាជំនួយឥតសំណងរបស់រដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន ហៅកាត់ JICA ៕
